صبح صباح يوم جديد على مي في غرفة أرمان، ناعسة فوق السرير على ظهرها، حتى كاتحل عيونها على يد كاتحركها ، بقاتوضاحت لها الرؤية على ماريا واقفة عند راسها مغوبشة كاتحرك فيها من كتفها، تفزعت دايرة للجهة الأخرى موسعة عينيها، مالقاتش أرمان حداها عاد رتاحت نسبيا، ناضت جلسات كاترد شعرها اللور وكاتشوف فماريا بابتسامة ، يالاه غادي تنطق وقاطعاتها ماريا بالأرمينية : شنو كاديلي هنا ؟ علاس ناعسة حدا عمو حبيبي ؟؟
مي : ءء ؟ بالإنجليزي حبيبة
ماريا عاودات لها نفس السؤال بالإنجليزي، ماعرفاتش ماتقولها ناضت من بلاصتها واقفة حداها وتحدرات شوية كادوز على شعرها بحنان
مي: ماناعساش حداه أ حبيبة ...هانتي شوفي غ
گاع ماكاين !!
ماريا(بعدات ونطقات دموع فعينيها) : عمو حبيبي ديالي أنااا ....بووحدي !! هاذي بلاصتيي ديالي ...
نتي مابقيتيس صاحبتي ...بغيتي تاخذي ليا عمو حبيبي....
دارت ماريا بسرعة كاتحري جهة لباب غير مبالية بمناداة مي لها، تنهدات بعد ما خرجات ماريا وهزات پينوار ديال لبساته على لباس النوم لي لابسة وخرجات لغرفتها
أما ماريا فمشات مباشرة لجناحهم ودخلات لغرفتها جالسة فوق فرشها مربعة يديها مقلقة حتى دخل إسحاق كايقلب عليها
إسحاق: الله يهديك أ بنتي واش غادي نبقاو تابعينك راه وقت المدرسة هذا زيدي قدامي !! حمقتي ديك المربية!
( شاف عينيها مغرغرين ومشا جلس حداها كايمسح على راسها بقلق وقال بابتسامة)
إسحاق: مال بنتي ؟ مال قطيطة دعمو ؟
ماريا: عمو مابكاش كايبغيني !!
إسحاق: مايمكنش ! وشكون قالها لك ؟
ماريا: أنا مشيت عندو بيت وهي ميا ناعسة بلاصتي !
إسحاق( جمع ابتسامتع قارن حواجبه): ميا ؟ مي صاحبتك ؟ ناعسة عند عمو في البيت ؟
ماريا : لا انا مخاسما معها ...تاخذ لي عم....
إسحاق (قاطعها): بنتي زوينة كاتسمع لپاپي ياك؟
(حركت راسها بإيجاب)
إسحاق: هاد الهضرة مانسمعهكش قلتيها لشي حد، هذا سر بينك نتي وپاپي واخا ؟
ماريا: واخا
إسحاق: يالاه سيري نزلي ماماك كاتسناك لتحت خلي پاپي يمشي لخدمته
وأنا نوري لعمو مايبغيش ليا بنتي
ضحكات ليه ومشات حتى حدا لباب ورجعات ضارت عندو
ماريا: پاپي؟؟
إسحاق: نعم؟
ماريا: ...ماضلبوش ياك ! هو زوين !
ومالها براسه بقلة تركيز خلاها حتى خرجات وبان القلق على وجهه..جلس شحال كايفكر شوية وناض هابط لتحت، سول على أرمان قالو ليه في المكتب ومشى عنده، لقاه جالس كايقرا ويوقع شي وراق، هز فيه أرمان عيونه مع دخلته ورجع هبطهم
إسحاق: كيدازت تسافيرة ؟
أرمان (مركز في الاوراق): همم ...مزيان
إسحاق: احم ...فين وصلو وراق مي؟
أرمان (وقف شنو كايدير وهز فيه راسه): أرالي شنو عندك ؟
إسحاق (جلس قدامه) : من عندك !
أرمان: مابقيتش مطلق والزواج غادي يترسم
إسحاق ( تنهد بقلق عارف ماعنده مايدير) : وقلتيها لهم ؟
أرمان : مازال ...قريب
دخلات خادمة عندهم بعد ما دقات وجات حتى حدا أرمان وقالت باحترام
الخادمة: الجنرال نوح كايتسناك
دخلتو فين قلتي لي
