#unicode
( စိတ်မကောင်းစရာအခြေအနေတွေနဲ့မို့ ဖတ်ပြီးခဏတော့ စိတ်အပန်းပြေကြပါစေ အသဲတို့ 😓
♥️💙 )
" ဟန်ဟန် သွားရအောင်လေ "
အစ်မဖြစ်သူ၏ ခေါ်သံကြောင့် ကျယ်ဟန့်ကိုယ်လေး တွန့်ခနဲဖြစ်သွား၏ ။
ဒီနေရာကနေ သေမတတ်ရုန်းထွက်ချင်ခဲ့သော သူက တကယ်တမ်းသွားရမည်ဆိုတော့ ထွက်မသွားချင်သေးပါ ။
ကမ်းပါးယံကြီးက မြင်ရသော တာ့ယွီကို ငေးကြည့်ရင်း နေရသည့် နေ့ရက်များကို လွမ်းနေမိမည်ထင်ပါသည် ။
ဆရာနှင့် ရုံရုံကြီးက သူတို့၏ အထုတ်အပိုးများကို လှည်းပေါ်သို့အကုန်တင်ကာ ကြို၍ထွက်နှင့်သည် ။
အစ်မက သူ့ကို စောင့်ကာ ခေါ်နေသည် ။
" မမ ဒီနေရာကို ပြန်မလာရတော့ဘူးလားဟင် "
" အင်း လာစရာမလိုတော့ဘူးလေ ဆရာက မြို့တော်ကြီးမှာ ခေါ်ထားပေးမှာ မကြာခင် နန်းတွင်းက တပ်သားသစ်စုဆောင်းရေးရှိတယ် မမက အဲ့မှာ ရွေးချယ်ခံဝင်ပြိုင်မှာ ၊ ဆရာက အားလုံး ကူညီပေးမယ်တဲ့ "
စိတ်အားထက်သန်နေသော လီဟွားကို ငေးကြည့်ကာ ကျယ်ဟန့်က ဘာမှတော့မပြောပေ ။
" မမက အဲ့လိုဆိုပေမယ့် ကျွန်တော်ကရော "
" ဟန်ဟန်လေးကလည်း နန်းတွင်းပန်းချီဆရာပြိုင်ပွဲမှာ ဝင်ပြိုင်ရမှာပေါ့ ၊ ဆရာကပြောတယ် နောက်နှစ်ဆို ပြိုင်ပွဲရှိမယ်တဲ့ "
" ဟုတ်လား "
လီဟွားသည် တက်ကြွမှုမရှိသော ကျယ်ဟန့်ကို ကြည့်ကာ အားမရစွာဖြင့် အနားရောက်လာ၏ ။
ကျယ်ဟန့်၏ ပခုံးကို ကိုင်လှုပ်ကာ မေး၏ ။
" ဟန်ဟန် ဘာဖြစ်နေတာလဲ သွားရမှာကို မပျော်ဘူးလား ဟန်ဟန့် အိပ်မက်တွေကို ကြိုးစားလို့ရပြီလေ "
" ဟင်း......မဟုတ်ပါဘူး မြို့တော်ရောက်ရင် ဘာတွေဖြစ်လာမလဲ မသိနိုင်ဘူးလေ ၊ စိုးရိမ်လို့ပါ "
" မစိုးရိမ်နဲ့ မမရှိတယ်နော် ၊ သွားရအောင် ဆရာတို့က မမတို့ပါမလာရင် ပြန်လာရှာနေလိမ့်မယ် "
" ဟုတ် မမ "
မောင်နှမနှစ်ယောက် ထွက်လာကြရင်း ကျယ်ဟန့်သည် နောက်ဆုံးအနေနှင့် အရိပ်ရသစ်မာပင်ကြီးကို တစ်ချက်လှည့်ကြည့်ကာ လှည့်ထွက်လာခဲ့သည် ။
YOU ARE READING
မေတ္တာဖြင့် အပြီးသတ်ခဲ့သော( ေမတၱာျဖင့္ အၿပီးသတ္ခဲ့ေသာ )
FanfictionUni & zgyi #unicode သူက ပန်းချီကားတွေကိုပဲ ဖန်တီးခဲ့တာမဟုတ်ဘူး ငါနှလုံးသားထဲအထိ ဆေးခြယ်ပြီး အချစ်တွေကို ဖန်တီးသွားခဲ့တာပဲ ကုန်းကျွင်း နိုင်ငံတစ်နိုင်ငံရဲ့ မင်းကြီးဆိုတာ ပြည်သူတွေကိုချစ်ပေးရမယ်မဟုတ်လား ကျွန်ုပ်ကိုတော့ မေတ္တာနဲ့ပဲချစ်ပါအရှင် ကျန်းကျ...
