Unicode
" ဘာ ! ဒါဆို အဲ့ဒါ ဟို ယစ်ပူဇော်ပွဲက သေသွားတယ်ဆိုတဲ့ကောင်လေးပေါ့ ၊ အစ်ကိုတော် နယ်စပ်ကပြန်ပြန်ချင်း ခရီးထွက်သွားခဲ့တာ အဲ့ကောင်လေးကို သွားခေါ်တာပေါ့ "
" ဟုတ်ပါတယ် အိမ်ရှေ့စံ ၊ မင်းသားကုန်းကျွင့်က လျှို့ဝှက်ထားပြီး တိတ်တဆိတ်ဖွက်ထားခဲ့တာပါ "
" ဟွန်း......"
ယန်ရှင်းသည် စားပွဲကို လက်ဖြင့်ခေါက်ကာ စဉ်းစားနေ၏။
ကိုယ်ရံတော် ခေါင်းဆောင်က သူ့ကို ထပ်၍ပြောပြန်သည်။
" ကောင်လေးကို မြွေတောအုပ်ကနေပြန်ခေါ်လာခဲ့တာပါ အိမ်ရှေ့စံ ၊ အဲ့နေရာက လျှို့ဝှက်တာမို့ ဘာတွေဖြစ်ခဲ့မှန်း မသိရပေမယ့် မင်းသားကုန်းကျွင့်ရဲ့ကျိန်စာကို တောအုပ်အရှင်က ဖြေပေးခဲ့တယ်လို့ သိရပါတယ် "
" နတ်ဆေးဆရာလား "
" မသိပါဘူး အိမ်ရှေ့စံ ၊ တောအုပ်အရှင်ကို ဘယ်သူမှ မမြင်ဖူးကြပါဘူး "
" သူတို့ကတော့ မြင်ဖူးကြမှာပဲမဟုတ်လား "
" ဟုတ်ပါတယ် "
" အင်း.... သိပြီ အခုလောလောဆယ် အဲ့ကောင်လေးကို စောင့်ကြည့်ထား ၊ ငါ့အစ်ကိုတော်က ဒီသူငယ်ပြန်နေတဲ့ ကောင်လေးကို သဲသဲလှုပ်နေရတဲ့ အကြောင်းအရင်း ရှိကိုရှိရမယ် ၊ ငါသိချင်တယ် "
" မင်းကြီးက အကုန်သိနေပါတယ် အိမ်ရှေ့စံ မင်းကြီးကိုချဉ်းကပ်ကြည့်ရင်ရော မသိနိုင်ဘူးလား "
" ခမည်းတော်က ငါ့ကို မလွဲသာလို့ အိမ်ရှေ့စံနေရာပေးထားရတာ ၊ ငါ့ကို ပြောပြမယ်မထင်ဘူး၊ ငါကလည်း နေရာရပြီးမှတော့ လက်မလွှတ်နိုင်ဘူး ၊ ငါ့ လမ်းကြောင်းမှာ ရှုပ်နိုင်တဲ့လူမှန်သမျှ ရှင်းပစ်ရမယ် ၊ အစ်ကိုတော်ဖြစ်နေရင်တောင်မှပေါ့ "
ယန်ရှင်းသည် လက်သီးကိုကျစ်ကျစ်ဆုပ်ထားကာ ရေရွတ်နေ၏။ သူ့ဘဝက အိမ်ရှေ့စံဖြစ်နေရသော်လည်း ဘုန်းကံနည်းလှ၏။ အစ်ကိုတော့်ကို လေးစားသလို မလေးစားကြ ။ အစ်ကိုတော့်ကို ကြောက်ရွံ့သလို မကြောက်ရွံ့ကြ။
သူ့ကိုယ်ရံတော်တပ်များကပင် သူ့ထက် အစ်ကိုတော်၏ စကားကို ပိုနားထောင်ကြသည်။ ပိုကြောက်ရွံ့ကြသည်။
ထိုအဖြစ်ကို သူမကြိုက်ပေ။
သူသည် အိမ်ရှေ့စံဖြစ်၍ သူ့ကိုသာ ပို၍ လေးစားကြောက်ရွံ့နေသင့်သည် မဟုတ်ပါလား။
VOCÊ ESTÁ LENDO
မေတ္တာဖြင့် အပြီးသတ်ခဲ့သော( ေမတၱာျဖင့္ အၿပီးသတ္ခဲ့ေသာ )
FanficUni & zgyi #unicode သူက ပန်းချီကားတွေကိုပဲ ဖန်တီးခဲ့တာမဟုတ်ဘူး ငါနှလုံးသားထဲအထိ ဆေးခြယ်ပြီး အချစ်တွေကို ဖန်တီးသွားခဲ့တာပဲ ကုန်းကျွင်း နိုင်ငံတစ်နိုင်ငံရဲ့ မင်းကြီးဆိုတာ ပြည်သူတွေကိုချစ်ပေးရမယ်မဟုတ်လား ကျွန်ုပ်ကိုတော့ မေတ္တာနဲ့ပဲချစ်ပါအရှင် ကျန်းကျ...
