Zawgyi
ဒီနှစ်မိုးအနှောင်းကောင်းသဖြင့် အနော်ရထာလမ်းမကြီးတစ်လျှောက် ရေများအိုင်ထွန်းနေရုံမက ဘုရားဝင်းတွေထဲရေဝင်ကာ အုတ်ချပ်များအတွင်းမှပြန်၍ပန်းထွက်လာသည်အထိပင်ဖြစ်ရသည်။ ထို့အပြင် အချို့ဘုရားများလည်းပြိုကျပျက်စီးသည်အထိဖြစ်ခဲ့ရာ လိုအပ်သည့်ပြုပြင်မှုပြုလုပ်ရာတွင် ဘုရားအတွက်၊ပုဂံမြေအတွက်ဟူသည့်စိတ်ထက် မိမိအတွက်ဆိုသည့်စိတ်သာအားသာနေခဲ့သော ဘုရားဂေါပကများအကြောင်းကား လယ်ပြင်မှာဆင်သွားသလို ထင်ထင်ရှားရှားပင်ပေါ်ပေါက်လာတော့သည်။
ထပ်လောင်းပြုပြင်မှုအတွက်မူ အစိုးရ၏တာဝန်ပင်ဖြစ်သော်လည်း ပုဂံအကျိုးကမိမိအကျိုးဟုမှတ်ယူထားသောနိုင်ငံသားတို့မှာ ဘုရားများရေရှည်တည်တံ့နိုင်ရေးအတွက် လိုအပ်သည့်ဘက်မှတတ်အားသရွေ့ထမ်းရွက်ကူညီပေးခဲ့ကြသည်။ ထိုအထဲတွင် မင်းဆက်ရာလည်းထိပ်ဆုံးကပါဝင်ခဲ့၏။ ငွေအားနှင့်ထောက်ပံ့ရေးတွင်လည်းသူပါသည်၊ လုပ်အားဖြင့်လည်းသူပါသည်။ ရှေးဟောင်းဝန်ထမ်းမဟုတ်သည့်တိုင်၊ အင်ဂျင်နီယာတစ်ယောက်မဟုတ်သည့်တိုင် မင်းဆက်ရာကတော့ ၎င်းမွန်းမံထိန်းသိမ်းရေးကာလတွေအတွင်း ကမ္ဘာ့အလုပ်ရှုပ်ဆုံးလူတစ်ယောက်အဖြစ်တည်ရှိနေခဲ့ရှာပါသည်။
မိုးမှဆောင်းကိုကူးပြောင်းသည့်အခါမှာတော့ နှာစေးနှာပိတ်ဝေဒနာဖြင့် တစ်ပတ်ကျော်အထိ နှာသံကြီးနှင့်ဖုန်းပြောရသောမင်းဆက်ရာကြောင့် ချမ်းမြေ့စေမှာရယ်ရခက်ငိုရခက်ပင်ဖြစ်ရသည်။ တစ်ခါတစ်လေ သူတို့နှစ်ယောက်၏နိုင်ငံကွာခြားမှုကိုမေ့ကာ ကိုရီးယားတိုင်းရင်းဆေးတွေကိုညွှန်းတတ်သည့်အခါတိုင်း မင်းဆက်ရာကပဲပြန်လည်သတိပေးရလေ့ရှိသည်။
မြောက်လေများဆော်သွေးသော ဆောင်းနေ့တစ်ရက်၌ ပုံမှန်စကားပြောနေကျအချိန်မဟုတ်ပါဘဲ ချမ်းမြေ့စေဆီမှဖုန်းဝင်လာခဲ့သည်။
"ညနေခင်းပဲရှိ ..."
"မင်းဆက်ရာ ... ဒီမှာနှင်းတွေကျနေပြီ ... ကြည့်စမ်း ... မင်းမြင်ရလား"
ရွှင်မြူးသောအသံလေးအရင်ပေါ်ထွက်လာကာ ဆိုးလ်မြို့၏လမ်းမထက်ကတဖွဲဖွဲကျဆင်းနေသောနှင်းပွင့်များကို အရပ်မျက်နှာအနှံ့ပတ်ပတ်လည်ရိုက်ပြနေသောချမ်းမြေ့စေကြောင့် မင်းဆက်ရာမှာလည်းထပ်တူပျော်ရွှင်မိရသည်။
