Zawgyi
ဖျော့တော့သောလရောင်သည် ပုဂံမြို့ဟောင်းနယ်နိမိတ်အပေါ်သို့ လုံခြုံစွာလွှမ်းမိုးဖြန့်ကျက်ထားသည်။ ပိုးဖလံတို့၏အော်ညည်းသံမှတစ်ပါး အခြားဆူညံသံမဲ့သောဝန်းကျင်တွင် လေတိုးသံတစ်ချက်ကြားတိုင်း ပုဂံဝိညာဉ်တို့နိုးထလာသည်ဟုထင်မှတ်ရသည်။
ချမ်းမြေ့စေသည် မြို့ဟောင်းထဲရှိဟိုတယ်တစ်ခုအတွင်းမှ ဧရာဝတီမြစ်ဘက်သို့ကျောပေးထားသောခုံတန်းရှည်တွင်ထိုင်ကာ ပုဂံမြို့ဟောင်း၏ညအလှကိုတဝကြီးရှုစားနေမိပါသည်။
"စေ…"
တိုးဖွညင်သာသောခေါ်သံနှင့်အတူ ခုံတန်း၏ကျောမှီပေါ်သို့ လက်နှစ်ဖက်ထောက်၍လာရပ်သော မင်းဆက်ရာကို ချမ်းမြေ့စေမော့ကြည့်လိုက်သည်။
မင်းဆက်ရာကမူ မျက်စိတစ်ဆုံးရှိနေသော အချွန်အတက်သဖွယ် ပုဂံဘုရားများ၏ကွမ်းထောင်များကိုကြည့်နေရင်းမှ ချမ်းမြေ့စေနံဘေးသို့ဝင်ထိုင်သည်။
"မအိပ်သေးဘူးလား"
"မအိပ်သေးဘူး မင်းဆက်ရာ … ဖေဖေ့ကိုmailပို့ပြီး လေညင်းခံချင်လို့ခဏထွက်လာတာခင်ဗျ"
"ဒီမှာတည်းရတာရောအဆင်ပြေရဲ့လား"
လက်ရှိ မင်းဆက်ရာတို့တည်းခိုနေသည်မှာ မြို့ဟောင်းထဲကဖေဖေ့မိတ်ဆွေ၏ဟိုတယ်တွင်ဖြစ်သည်။ မနက်ဖြန် မြင်းကပါနှင့်သီရိပစ္စယာဘက် ဘုရားဖူးပြီးလျှင် အနောက်ဖွားစောရွာက သူငယ်ချင်းတစ်ယောက်အိမ်မှာအိပ်ဖို့စီစဉ်ထား၏။
"ပြေပါတယ်ခင်ဗျ … ဘာလဲ … မင်းဆက်ရာက ကျွန်တော့်ကို အိမ်စာလုပ်ပြီးတဲ့အကြောင်းလာပြောတာလားခင်ဗျ"
ရွှင်မြူးစွာပြောသည့်ချမ်းမြေ့စေ၏အသံလေးကြောင့် မင်းဆက်ရာကပြုံးရင်းဖြေသည်။
"ဟုတ်တယ် … အိမ်စာလုပ်ပြီးပြီ"
"ဒါဆိုခေါ်လေ … အစ်ကိုလို့"
"ဟျောင်း … "
ကိုရီးယားအသံထွက်အတိုင်း တစ်ထပ်တည်းမဟုတ်သော်လည်း ညနေကလိုမဟုတ်တော့ဘဲ နီးစပ်စွာအသံထွက်လာနိုင်ခြင်းကြောင့် ချမ်းမြေ့စေက လက်ခုပ်သံခပ်တိုးတိုးချီးမြှင့်သည်။
