𝚂𝚝𝚞𝚍𝚎𝚗𝚝 𝙾𝚏 𝙶𝚘𝚍 🤎

13.1

Unicode

" အစိုးရိမ်ဆုံးက ရုံးကသူတွေပဲ...
သူတို့ရုပ်တွေကိုလုံးဝကြည့်မရဘူး..ပြဿနာဖြစ်ဖူးတဲ့သူတွေဆို
ရုပ်တွေက ဂျပိုးကောင်ရုပ်တွေ......"

" စိတ်မပူပါနဲ့ အလုပ်က
တစ်ယောက်စနှစ်ယောက်စပဲသိတာပါ..
သိတဲ့သူတွေကလည်း နှုတ်လုံတယ်ဆိုတာအာမခံတယ်..."

" ပြီးတာပါပဲ ဇာတ်တွေကိုရှုပ်နေတာပဲ တစ်မနက်လုံး ....."

" အင်း ‌ဒါဆို အလုပ်ကိုတစ်ချက်သွားစစ်လိုက်ပါမယ်
Jimin လည်း နေလို့ကောင်းတယ်မလား..."

မန်နေဂျာကြီးအမေးအား သူ ခေါင်းသာငြိမ့်ပြလိုက်၏ ။
ကုတင်ပေါ်ထိ ကျူးကျူးကျော်ကျော် ခေါင်းချအိပ်နေသော
အရူးကောင် လိုလို ကိုလည်း ကြည့်ရင်းနဲ့ဖြစ်သည် ။

မန်မေဂျာကြီးသည် မတ်တပ်ရပ်ကာ
ကြည့်အပြီးတွင်တော့ပြန်သွားသည် ။

" ဘယ်လိုကောင်မှန်းမသိ ......"

မနက်က အဖြစ်အပျက် သည် မြန်ဆန်လိုက်သလားမမေးနှင့် ......။

သူ နိုးလာတော့ အိမ်မက်ထဲကအတိုင်း Jeon Jungkook ရဲ့
ရင်ဘတ်ကြီးထဲ ‌တစ်ကိုယ်လုံး ရောက်လုနီးပါး ......။
လန့်သွားတာပေါ့.....။
လက်တွေက ရင်ဘတ်ကိုတောင် သွား ထိထားသေးတာ
ရှက်လည်းရှက်သည် ။ စိတ်လည်းတိုသည် ။

ဆွဲ ကိုက်တာပဲဖြစ်ဖြစ် ၊ ဖြတ်ရိုက်လိုက်တာပဲဖြစ်ဖြစ်
လုပ်ဖို့ကြံခဲ့သော်လည်း လူဆိုးကောင်၏ မျက်နှာ သေးသေးကြောင့်
မအောင်မြင်ခဲ့ ......။ ရှုံးပြီးရင်းကို ရှုံးနေတာ သူ့မှာ ။

ခဏလောက် ငြိမ်ပြီး မော့ကြည့်နေမိလိုက်တာ ...
နောင်တလည်း ရပါတယ် ။

အိပ်နေတုန်း ‌ထွက်နေတဲ့ ဟောက်သံလေး ၊ အသက်ရှူသံ ရယ် ၊
မျက်တောင်လေးတွေရယ်....
အသက်ရှူတောင် ရပ်သွားတော့မလိုပဲ ။

မာယာ တွေရှိတာလား ဒီကောင့်မှာ .......။

Jeon Jungkook ၏ ပုံစံ သည် မှော်သားဆန်ဆန်ရယ်......။

အချိန်ခဏလေးအတွင်း မှာ လူ ရဲ့ ခံစားချက်တွေ
အပြောင်းအလဲ မြန်ဆန်အောင် လုပ်နိုင်နေတာ ။

သူဌေးလေး မှာပဲမာယာလှလှလေးရှိတယ်ထင်နေတာ ..
Jeon မှာ ရှိတာကျ သတိထားမိသူမရှိခဲ့ ......။