الكل بيسأل عن مواعيد الروايه هتنزل امتي وانا مش عارفه ارد عليكوا عشان مش لاقيه وقت خالص اني افتح سوشيال ميديا واتابع الروايه كل شويه والكومنتات
فانا قررت ان هما هيكونوا يومين في الاسبوع حلو كان المعاد في الاول يوم وكنا متفقين علي الجمعه علي رأيكوا انتوا وانا كنت ملتزمه بيه بس قررت اخليهم يومين في الاسبوع هيكونوا "أربع وجمعه"...
طبعاً دا في حد ذاته معجزه اساساً بس محبتش ارخم واخليها مره كل اسبوع عشان متزهقوش وعشان محدش ينسي الاحداث بتاعت الروايه وتقولوا بتطول وعشان كلام كتير انا عرفاه ممكن يتقال بس في نفس الوقت مش عاوزه ازعل حد وبدل ما كان يوم بقوا يومين
سواء بقي نزل متأخر نزل بدري دي بصراحه مقدرش اتكلم فيها لان ببقي راجعه ميته بالمعني الحرفي ولما مينزلش اعرفوا ان انا تعبانه طول اليوم ورجعت مقدرتش انزله وانا قبل ما انزله براجعه تاني فصعب بالنسبه ليا بردوا
فعشان محدش يسأل علي المواعيد تاني هكررها تاني المواعيد "أربع وجمعه" جيت ف يوم منزلتش فيه اعذروني هيكون في سبب مانعني من اني انزل البارت انا بردوا بدرس زيي زيكوا
خلاص يا حلوين انا عارفه اني بتكلم مع اخواتي وهتكونوا حاسين بيا فبدل ما كانت يوم خليتها يومين عشان يكون معاد ثابت علي طول وعشان عارفه انكوا بتحبوا الروايه جدا ومتعلقين بيها فمحبتش ازعلكوا♥️
أنت تقرأ
"احببتها ولكن 2"_لعنه الانتقام
Fantasyهل سيدوم ذلك الحب إلي الأبد فذلك الخطر يحيطهم من كل جانب، هناك العديد من الأشخاص يسعون إلي دمارهم ستصيبهم لعنه الانتقام جميعاً سيطلبون الرحمه ولكن بعد فوات الأوان هل سيدوم ذلك طويلاً ويأخذ حقه منهم جميعا أم للقدر رأي آخر
