"احببتها ولكن 2"_لعنه الانتقام

حمزه وسامح❤

دا بارت خاص بحمزه وسامح يا جماعه لأنهم مش بيظهروا كتير فحبيت أعمل بارت مخصص ليهم لوحدهم ونرجع شقاوه حمزه وسامح مع ليل زى زمان رغم أنهم كبار وأبهات بس بتفضل خفه الدم موجوده والحب بيزيد وأحساس أن فى جو عائلى مع تقدم السن وأنهم بالرغم من كل اللى عدوا بيه الا أنهم إيد واحده ومحافظين على عيلتهم وبين ولادهم محبه وقبول ورضا دا أهم حاجه مهما كان شكله أو وظيفته الجمال جمال الروح مش الشكل
..........................................

كان حمزه جالس ويشاهد التلفاز حتى جاء سامح وجلس بجانبه وهو يقول:بتعمل ايه؟

تحدث حمزه بأستفزاز وهو يقطم قطعه من التفاحه وقال:بعمل خط وبمشى عليه

نظر لهُ سامح بطرف عينه وقال:انا مش هتكلم

حمزه:وفر الكلام لغيرى

زفر سامح بضيق وقال:صبرنى يارب

حمزه:يصبرنا كلنا ياخويا

نظر لهُ سامح وقال حمزه الذى يشاهد التلفاز:اه والله ياخويا كلنا محتاجين الصبر...بس عمرنا ما هنروح نقول وأولنا ليل أخوك

سامح:انتَ عاوز ربنا يهديك مش يصبرك عشان انتَ بتكبر وتتهبل أكتر ما انتَ أهبل

حمزه بأغاظه:وهو انا أسمى سامح

أنتفض سامح فى جلسته وقال بصوتٍ حاد:هقوم أعورك

حمزه:الف سلامه عليك ربنا يتم شفاك على خير

سامح بغضب:ياض لم نفسك

نظر لهُ حمزه وقال بأغاظه:هو انا قولت حاجه انتَ اللى بتستفزنى وانا مبتكلمش ولا أكمنى طيب وغلبان وعلى نياتى

شهق سامح وقال بصدمه مضحكه:نعم يا عنيا...فين دا ورينى كدا أصل انا معرفكش

حمزه:البيت كلوا يشهد

سلمى بصراخ:يا حمزه ميت مره أقولك الهدوم اللى مش نضيفه حطها فى سله الهدوم بترميها على الأرض ليه انا تعبت منك انتَ وعيالك

صمت حمزه ونظر لهُ سامح وهو يضحك ويقول:واضح فعلاً أن انتَ مريح اللى فى البيت ما شاء الله مراتك مسمعتلهاش صوت خالص تخيل

حمزه بضيق:بس بقى يا عم انتَ رخم

ضحك سامح أكثر وقال:أبقى أسمع كلام مراتك بعد كدا يا حموزه بدل ما تخلص عليك المره الجايه

حمزه:حوش انتَ اللى نسمه يعنى ومراتك مبتتخانقش معاك

سامح بتفاخر:نيڤر انا مريحها على الأخر ومتفاهمين جداً

سمعا صوت أريج تصرخ وتقول:يا سامح بطل ترمى ورق شغلك دا بالمنظر دا انا مش قاعده فى زريبه أرحمنى

وضع حمزه يده على فمه وهو يحاول أن يكتم صوت ضحكاته وينظر لسامح الذى ينظر لهُ بضيق

حمزه بضحكه مكتومه:واضح أنك مريحها فعلاً...أبلع