هل سيدوم ذلك الحب إلي الأبد
فذلك الخطر يحيطهم من كل جانب، هناك العديد من الأشخاص يسعون إلي دمارهم
ستصيبهم لعنه الانتقام جميعاً سيطلبون الرحمه ولكن بعد فوات الأوان
هل سيدوم ذلك طويلاً ويأخذ حقه منهم جميعا أم للقدر رأي آخر
بصوا بقى عاوزه الكل يقول رأيه ويشاركنى طبعاً انا عارفه أن الروايه عجباكوا والحمد لله ناس كتير حباها الحمد لله أينعم هى تالت روايه ليا بس كانت أكتر روايه عجباكوا مع العلم مش أنتوا لوحدكوا اللى بتقرأوها ماما بتقرأها ومتعلقه بيها بطريقه غير طبيعيه ومكنتش متوقعه أنها تحبها بالطريقه دى وتتعلق بيها.. فعرضت عليا أنى أنزلها كتاب وانا معنديش مشكله انا مرحبه بالفكرة جداً دا غير اللى بيقولوا ياريت تنزل فى معرض الكتاب وأن شاء الله يا جماعه هتنزل بس مش دلوقتى أخلص السنه دى وهتواصل معاهم وأن شاء الله تنزل معرض الكتاب وهتنورونى❤️
تانى حاجه حابه أخد رأيكوا فيها ومش عارفه هتعجبكوا ولا لا فى ناس كانت بتبعتلى وتقولى عاوزين شويه رومانسيه بين ليل وروز وفى كومنت جالى بالنص كدا أن فى فتور تقريباً أو علاقتهم كأنهم أخوات مش فاكره بصراحه بس هو حاجه زى كدا فطبعاً لما هتنزل كتاب هيكون فيه رومانسيه فى أحداث كتير حلوه فيها فجت فى دماغى قبل ما أقوم وأدخل فى مود المذاكره أعرضلكوا الجزء البسيط اللى كتبته دا ومش عارفه هيعجبكوا ولا لا بس حقيقى عاجبنى أوى
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بصوا انا بصراحه مش شاطره فى حتت المقدمات دى بس انا بأختصار عبرت عنهم وعن حبه ليها فى كام سطر كدا بصوا قولولى رأيكوا فيها وانا وحظى بس بالرغم أنها بسيطه بس حباها وأشهد يا تاريخ أول بطل غنى مش قاسى ولا متملك ولا مغرور وأشهد بردوا أول بطله كرامتها رقم واحد فى حياتها😂❤️
تالت حاجه بقى وهتكون دى الماى فيفورت جزء صغنون كتبته على ورق الأول وبعد كدا نقلته هحطهولكوا ولو حلو ولذوذ هتلاقوه أن شاء الله فى الكتاب مشهد جميل وخفيف❤️
دلف إلى غرفته يبحث عنها وعلى وجهه أبتسامه جميله نزع سترته ووضعها على فراشه وأخذ يناديها قائلاً:روز .. روز انتِ فين؟ لم يتلقى منها رد فقال متعجباً:يا ترى هتكون راحت فين! خرج من الغرفه وتوجه للأسفل كى يبحث عنها ، بينما كانت هى أنتهت من أعداد الغداء لهُ فأخذت صحن الشيكولاته وجلست تتناوله بأستمتاع وعلى شفتيها إبتسامه جميله.. كان هو يبحث عنها ولكن كان لا يوجد لها أثر أنتابه القلق والخوف فنظر حوله بحيرة وقال:هتكون راحت فين بس انا منبه عليها متخرجش تحت أى ظرف .. هدور عليها تانى أعاد البحث من جديد ولكن بدقه ، قد أستغرق منه البحث عشر دقائق ولكن كانت النتيجة كسابقها توقف فجأة وصفع رأسه وقال بعدم تصديق:المطبخ .. أزاى نسيته توجه مباشراً للمطبخ على أمل أن يجدها وعندما دلف صُدم من ذلك المشهد الذى جعله يقف كالمشلول فكانت روز جالسه على الطاوله وترتدى فستان باللون الأسود يصل لركبتيها وشعرها ينسدل على ظهرها بطريقه جميله وتتناول الشيكولاته بعشوائيه وكان فمها ملطخ بالشيكولاته وكذلك أنفها فأبتسم وزفر براحه تقدم منها بهدوء حتى توقف أمامها وحاوطها بذراعيه ونظر لها كالمسحور رفعت رأسها ونظرت لهُ بأبتسامه جذابه فأقترب منها وقبل وجنتها بحب وقال:يعنى انا قاعد بقالى ربع ساعه بدور عليكى وقالب الدنيا وحضرتك قاعده هنا عماله تاكلى فى نوتيلا يا روز؟ ضحكت روز بقوه وشرد هو فى ضحكتها وهو يبتسم فصمتت ونظرت لهُ بأبتسامه ثم حاوطت عنقه وقالت:وهو مش حضرتك عارف أن انا بكون هنا كل يوم لحد ما تيجى عشان بحضرلك الغدا؟ أمأ بنعم فأكملت هى وقالت:طيب ايه الجديد بقى؟ ليل بأبتسامه:طيب ما انا كنت متعود أجى الاقيكى فى الأوضه على طول الأكل دا كان شغل الخدم أبتسمت هى وقالت:طيب ما انتَ مشيت الخدم يا ليل باشا فأصبح انا اللى بعمل الأكل رفع حاجبه بأستمتاع وقال:طيب وايه المشكله لما تعمليلى الأكل! أبتسمت وقالت:مفيش مشكله طبعاً مد يده ومسح أنفها وهو يقول بخفوت:وبعدين ايه اللى عملاه فى نفسك دا فى حد عاقل وقمور ياكل ويبهدل نفسه كدَ ضحكت بخفه وقالت:ليل حبيبى انتَ جاى رايق النهارده مش كدَ ليل بأبتسامه:انا رايق كل يوم على فكرة روز بهدوء:ليل نظر لعينيها الساحره وقال بهيام:قلب وروح ليل روز بحب:انا بحبك أوى أبتسم ليل وقال بهمس عاشق:وليل بيموت فيك يا جميل
الكل يشارك ويقولى رأيه فى المشهد الجديد عليكوا دا❤
