طبعاً انا بشكركوا كلكوا علي الكومنتات الجميله دي وكلامكوا اللطيف دا ومبسوطه جداً أن الروايه عجباكوا شكراً لأي حد سواء بيقراء وبيكتب كومنت او مبيكتبش وبيتابع في صمت شكراً ليكوا وعارفه انكوا بتحبوا الروايه جداً ودايماً لما الشخص بيلاقي حاجه حاببها ومتعلق بيها وتخلص بيزعل انها خلصت وانوا عاوز يكملها وان شاء الله اول ما تتوفر علي جوجل بلاي هبلغكوا عشان اللي حابب بردوا يحتفظ بيها في حين حصل اي مشكله ف الواتباد والروايه ضاعت منه يقرائها
ويؤسفني أقولكوا أنها قربت تخلص خلاص وفى البارتات الأخيره وعارفه أن في ناس كتير هتزعل وبصراحه وانا من ضمنكوا لأن انا بحبها جداً زيكوا
في حاجه حابه أتكلم عليها وحصلت كتير وعارفه انو طبيعي يحصل بس يكون بأحترام
"النقد"
الأنتقاد وارد ييجي يقفلك من كل حاجه بمجرد انه أتقال بطريقه مش لطيفه
انا واحده من الناس اتعرضت لأنتقادات كتير ومختلفه أتعرضت لأنتقاد علي الفيس وكان الأنتقاد علي الروايه دي وهي لسه في أول جزء فيها هو كان يشبه الانتقاد
اتقالي "ياريت متطولش وميكونش ليها اجزاء عشان هتبوخ"
رأي الشخص دا يحترم وعلي راسي في روايات لما بتطول بتبوخ اوكي بس انتِ ليه تحكمي من غير ما تكملي لقيتيها بايخه ومش عجباكي متتابعيهاش انا مش هجبرك علي حاجه والروايه كلها فيها حاجات تفيد الناس انا مش طالعه اكتب اي روايه وخلاص بغرض "الشهره" خالص انا مكنتش متخيله ان انا ممكن اتشهر او اتعرف بالروايه دي
انا حاولت بقدر الامكان اخلي جزء صغير خيال والباقي واقع لان دا بيحصل معانا علي ارض الواقع وبردوا كنت بشوف قسوه وطريقه تعامل وحشه للاطفال وموقف منهم حصل قدام عيني خلاني عاوزه اروح واقولها دا طفل صغير مينفعش تتعاملي معاه كدا وقعدت اقول ليه محاولش اوصل الفكره دي بس بشكل ايجابي
موقف تاني الولاد بيشتموا او طريقتهم وحشه فالكلام نعمل عقاب بس لطيف ومقبول وقررت أكتبها في الروايه وهي "فكره الصندوق الكبير" انا لو بكتب اي روايه هقولك ماشي عندك حق هتبوخ قدام بس الحمد لله الروايه ف الجزئين التانيين احلوت اكتر وبقت فيها تشويق اكتر من الأول
في بقي انتقاد اتقالي هنا علي الواتباد انا بصراحه محبتش ارد عليها ومحبتش اساساً أعلق علي كلامها
انا قولت الانتقاد مسموح بس بطريقه حلوه مش بأسلوب وحش تخلي الكاتب يتقفل بالشكل دا
الانتقاد دا انا محبتش اخده اسكرين شوت وانزله هنا بس هتلاقوه في روايه "ملاكي العمياء" "البارت الخامس" انا بجد ادايقت من الأسلوب أولاً ومن كلامك مش عجباكي الروايه متقريهاااااش بعيدها تاني غيرك قرائها وحبها ايه اللي مزعلك معجبتكيش متقريش انا مغصبتش حد علي انه يتابعني الحمد لله انا لو بيتابعني واحد بس انا راضيه وهنزل بس متجوش تقولوا كلام يحرق الدم وتقولوا فالاخر الكاتبة معرفش ايه انا مكنتش حابه أتكلم في الموضوع بس حقيقي من ساعتها انا مدايقه ومش عارفه انسي
اللي حابب رواياتي وبيتابعني هو اللي هيحكم واكيد انتِ مكملتيهاش وانا مبسوطه والله لأنك لو كملتيها هتقولي كلام يحرق الدم أكتر وانا مكنتش هتحمل بصراحه لان كلامك واسلوبك قفلوا الواحد ومبقاش عاوز يكتب وانا مش من النوع دا بس عنداً في اي حد بيكتب انتقاد بطريقه مش لطيفه وبأسلوب وحش انا هكمل واللي حابب يتابع انا معنديش مشكله وزي ما في انتقاد علي دي ودي في انتقادات انا اتعرضتلها تانيه بس فوتها واي حد بيكتب انتقاد بأسلوب مش حلو انا مش هرد عليه
متابعيني هنا لما بيقولوا مثلا ليه محصلش كذا وكذا بأسلوب حلو انا برد وبقول وجهه النظر او في حاجه في دماغي معينه عاوزه اوصلها للقارئ فياريت اللي عاوز ينتقد يا جماعه ينتقد بأسلوب محترم غير كدا انا مش هرد علي حد وياريت تراعوا مشاعر الناس في حاجه اسمها جبر الخواطر حبيت أتكلم معاكوا كأخوات عشان حقيقي مدايقه من ساعتها
أنت تقرأ
"احببتها ولكن 2"_لعنه الانتقام
Fantasyهل سيدوم ذلك الحب إلي الأبد فذلك الخطر يحيطهم من كل جانب، هناك العديد من الأشخاص يسعون إلي دمارهم ستصيبهم لعنه الانتقام جميعاً سيطلبون الرحمه ولكن بعد فوات الأوان هل سيدوم ذلك طويلاً ويأخذ حقه منهم جميعا أم للقدر رأي آخر
