هل سيدوم ذلك الحب إلي الأبد
فذلك الخطر يحيطهم من كل جانب، هناك العديد من الأشخاص يسعون إلي دمارهم
ستصيبهم لعنه الانتقام جميعاً سيطلبون الرحمه ولكن بعد فوات الأوان
هل سيدوم ذلك طويلاً ويأخذ حقه منهم جميعا أم للقدر رأي آخر
ملحوظه... قبل ما نبدء البارت هوضح أن سبب تأخيرى دى حاجه مش بإيدى والله انا حقيقى مضغوطه جامد ومبلحقش ومستحيل أنزل كل يوم طول فتره الدراسه فتره الدراسه حاجه والأجازه حاجه تانيه بس لو عليا هنزلوا كل يوم بس البارت أنتوا بتكونوا عاوزينه طويل وانا بطولوا على قد ما أقدر عشان خاطركوا بس أنزل كل يوم دى انا مش هقدر أعملها صدقونى هى فتره وهتعدى وهيكون ليا كلام تانى فى أخر كام بارت على حاجه معينه هاخد رأيكوا فيها وبناءً عليها هنفذها أو لا أتمنى أكون وضحت صوره تأخيرى فى نزول البارت❤ "دا نص البارت يا جماعه مش كلوا" وبردوا قبل ما نبدء دى صفحتى على أنستجرام أول ما تعملوا بحث هتظهرلكوا وهتنورونى والله❤🍒
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
..........................................
ركضت كارما إليه وأحتضنته بسعاده كبيره وكذلك عبد الله الذى كان سعيد كثيراً برؤيتها سمع كارما تقول بسعاده:وحشتنى أوى يا عبد الله
أبتسم عبد الله وقال:وانتِ أكتر يا حبيبتى طمنينى عليكى
أبتعدت كارما عنه قليلاً وقالت بسعاده:انا كويسه طول ما انتَ كويس يا عبد الله
أبتسم عبد الله ثم نظر للقصر وقال:هو محدش جوه ولا ايه؟
كارما بأبتسامه:لا جوه تعالى دول هيفرحوا أوى برجوعك
أخذته ودلفت للداخل ومعها عبد الله وكانت تناديهم بصوتٍ عالِ حتى أجتمعوا جميعاً وكانت الصدمه على وجوههم ولم يكن أحد يصدق ما يراه
عبد الله بمرح:ايه بتبصولى كدا ليه انا عبد الله أقسم بالله ما عفريت
ذهب إليه عُدى وأحتضنه وكان فى قمة سعادته وهو لا يصدق
عُدى بسعاده:وحشتنى أوى يا عبد الله القصر كان وحش من غيرك
أبتسم عبد الله وبادله الحضن وقال:والله كلكوا وحشنى
أستقبلوه جميعاً وعادت البسمه على وجوههم من جديد نظر يعقوب لرأس عبد الله وقال:مال راسك يا عبد الله ايه اللى عمل فيك كدا؟
عبد الله بأبتسامه:أصابه
معاذ بأبتسامه بلهاء:كدا انا ضامن أن ماما هتندب من هنا لحد الشهر الجاى وهتتخانق مع بابا خناقه لرب السما ومش بعيد تطلق فيها
