عشق الجاسر ( مكتمله )

السادس والثلاثون ج٢

السادس والثلاثون ج٢

وقفت سمر بدلال وسعاده  تنظر لنفسها في المرآه وتعدل شعرها بينما شعرت بوجود صوت غريب في البراندا ، فاتجهت الي البراندا وفتحتها فوجدت امامها ارسيليا .

سمر : بخوف ودهشه ، انتي مين .

ارسيليا : متخفيش انا جايه اتكلم معاكي .

سمر : بتعجب ، تتكلمي معايا ، وايه اللي جابك البراندا و طلعتي فيها ازاي انتي مين اساسا  .

ارسيليا : نظرت بحزن علي طله فستان سمر ومكياجها ، انتي متعرفنيش بس انا اعرفك كويس .. وبتردد انا اسمي  ارسيليا و .. و كنا انا وشريف بن..  بنحب بعض ..

سمر : بذهول ، هو انتي اللي شريف كان بحبها .

ارسيليا : فرت الدمعه من عينيها ، هو قالك انه كان .. كان بحبني .

سمر : بتعجب ، انتي عايزه ايه وجايه ليه .

ارسيليا : بدموع ، جايه اقولك سامحيني .. انا والله مش عارفه عملت كده ازاي او حتي جيت هنا ازاي وليه  بس فعلا محتاجه انك تسامحيني  .

سمر : انا مش فاهمه حاجه اسامحك علي ايه .

ارسيليا : بحزن ، انا وشريف كنا بنحب بعض ، بس الله يسامحه والدي مرضاش بالعلاقه ده حبسني خمس سنين .. وبدموع خمس سنين عذاب وضرب واهانه و ذل في اوضه جوه قصره علشان ينسيني شريف ،  واول ما فكر يخرجني بعد خمس سنين كنت منهاره مش شايفه قدامي من خمس سنين في ضلمه علشان كل ذنبي اني بحب لاول مره اخرج بعد خمس سنين ذل وانكسار ..

سمر : بتمتمه ، اتحبستي خمس سنين علشان شريف .

ارسيليا :  اول حاجه فكرت فيها لما خرجت كانت شريف ، ولما رحت علشان اشوفه لاول مره بعد عذاب خمس سنين لقيته كان معاكي بتضحكوا وتهزروا وبتختاروا فستان خطوبتك ..
وبدموع انهارت  مقدرتش امسك نفسك غير وانا بخرج المسدس وبقتل  البنت اللي خطفت حب عمرى مني .

سمر : بدهشه ، انتي اللي حاولتي تقتليني .

ارسيليا : بدموع وانكسار هزت راسها ، مقدرتش امسك نفسي وانا شيفاكي واخده مكاني والله ما قدرت حاولت ومقدرتش  .

سمر : بخوف ، انتي جايه ليه .

ارسيليا : بدموع ، متخفيش مني انا عيزاكي تسامحيني عايزه اكفر عن اللي عملته في حق اكتر شخص حبيته في حياتي .
وبدموع وحزن جثت علي ركبتها امام سمر ،  انا كل دقيقه وكل لحظه بدعي ربنا يخرجه من قلبي بس مش قااادره مبيحصلش مبيحصلش ارجوكي سامحيني والله غصب عني .

دخلت عليهم نور وبتعجب نظرت لسمر ، مين دي .

سمر : نظرت لنور وباستياء ، دي اللي كانت بتحب شريف واللي حاولت تقتلني .

نور : بغضب ، هجمت علي ارسيليا و وقعتها علي الارض وضربتها  ، يا مجرمه يا بنت الجذمه عملتي في اختي كده ليه حرام عليكي جايه تكملي عليها مش كفايه اللي عملتيه .
وبدات نور تضرب ارسيليا وارسيليا بدموع لم تقاوم وتلقت الضرب من نور .