عشق الجاسر ( مكتمله )

التاسع والثلاثون ج٢

#التاسع_والثلاثون ج٢ 

المحامي : بسعاده ، مبروك يا مدام نهي القاضي حكم بخلعك من يوسف بيه من اول جلسه .

نهي : وضعت يدها علي صدرها بخضه ، يالهووي ..

يوسف : بصلها بتعجب ، في ايه .

نهي : الموبايل وقع من ايدها و برقت عنيها ، انت اتخلعت .

يوسف : بصدمه ، نعم يا رووووحمك انا ايه .

نهي : بدهشه ، اتخلعت والله .

يوسف : اقترب منها بشر ، فابتعدت نهي عنه بخوف فوقف يوسف ليقترب منها بشر وعصبيه ولكن نهي جريت ، خدي هنا .. تعالي …تعااااااالي 

نهي : جريت وطلعت في الصاله بخوف ، والله ماليا دعوه انا معملتش حاجه دا هو اللي عمل ..

يوسف : بعصبيه ، رايحه ترفعي عليا قضيه خلع يا بنت الموبوءة لو مطلعت ميتين اللي جبوكي يا نهااااااأا.

نهي : بخوف لفت حوالين السفره ويوسف بيلف حواليها ، وانا مالي بس .. اهدي شويا خلينا نشوف حل .

يوسف : وضع يده علي راسه  بسخريه وجلس علي الكرسي  ، بقيت مخلوع بقيت يوسف المخلوع منك لله يا نهي  منك لله .

نهي : اقتربت منه باستياء ، والله انا مليش ذنب انا مش عارفه حصل كده ازاي ..

يوسف : بصلها  بشر وفجأة جذبها له ،  مش عارفه حصل ازاي انا بقي هعرفك وصفعها علي وجهها بقوه .

نهي : بدموع بصتله ، انت بتضربني ، طلقني طلقني ..

يوسف : اطلقك ايه ، انتي خلعتيني يا بنت الهبله .

نهي : برضوا طلقني مش عايزه اشوفك .

يوسف : وضع يده علي راسه بجنون انتي هتجننيني يارتني طلقتك يارتني طلقتك ولا اني اتخلع من هبله زيك .

بعصبيه وضيق ذهب الي غرفته وتناول ملابسه وارتداها بسرعه وخرج حتي لا يفقد اعصابه اكثر من استفزازها .

نهي : بدموع ذهبت  بسرعه و مسكت هاتفها واتصلت علي المحامي ، انت بتقول ايه هو يوسف اتخلع بجد ولا ايه  

المحامي : اه يا فندم هو حضرتك مش جيتي وعملتي توكيل وقدمنا طلب خلع .

نهي : بدموع ، بس انا مرحتش تاني مش كده خلاص يبقي اطلقت ازاي .

المحامي : حضرتك عملتي توكيل وقدمنا طلب وحضرتي جلسه اولي واقريتي انك طالبه الخلع لان جوز حضرتك بيسافر كتير وانتي تخافي الا تقيمي حدود الله .

نهي : قاطعته بتمتمه اخاف الا اقيم حدود الله دا يوسف هيقيم عليا الحد لما يعرف السبب .

المحامي : والله انا قلتلك المحكمه في الحالات دي بتكون عايزه سبب قوي ولما قلتلك تقولي السبب ده حضرتك وافقتي .