عشق الجاسر ( مكتمله )

البارت ٢٤

البارت ٢٤ 

وصل يوسف لقصر الحديدي ودخل وجد جاسر يقف امامه .

يوسف بغضب وهو يتقدم اتجاه جاسر : بتستغفلني ياجاسر بتضحك عليا وتمثل انك ميت وانت عايش ..

فاقترب منه  يوسف بشر وقبض يده وضربه ولكن جاسر تفادي الضربه وابتعد عنه للخلف.

جاسر : اهدي يا يوسف انت مش فاهم حاجه .

يوسف اقترب بغضب ورفع يده مره اخرى : مش فاهم طب فهمني مش تستغفلني ..

جاسر بضحك ابتعد ويوسف قرب منه  : ما انا هفهمك اهو.

يوسف بغضب : بعد ما استغفلتني انت وصاحبك انا ياجاسر انا تخدعني وتوهمني انا يوسف الشناوي ..

جاسر اقترب وصد يده وحضنه : والله ما اقدر .

يوسف حاول ابعاده ولكن جاسر تمسك به بقوه وهو يحضنه .

يوسف بتذمر : لا والله ابدا مايحصل انا زعلان منك .

جاسر : والله وحشتني .

يوسف ضربه بخفه علي ظهره وبدموع الفرح : وانت ياندل وحشتني قوي ، بقي  تعمل فينا كده ياندل  .

جاسر : هفهمك والله كل حاجه ..

ثم جلسوا ووضح له جاسر ما فعله ..

يوسف : متزعلش بدر صعب عليه نفسه دا انا نفسي اتجننت ،  شويا يهدي وانا هكلمه .

جاسر : انا مش زعلان منه انا مقدر صدمته لكن ده من خوفي عليه وعلي اخواته  .

يوسف : طيب كا اهو بعد كلامك اللي قلتهولي حتي لو انقذت عيلتك من ايد المافيا وظهرت طيب ما انت كده برضو يعتبر رجعت لنقطه الصفر .

جاسر : انا كل خطوه دارسها قبل ما انفذها ، المافيا ومايكل كان لازم يحسوا اني مت علشان ابعد عنهم انهم ياذوا حياه اي حد من عيلتي ويكون تفكيرهم كله في الشركات والمصانع وبس..

يوسف : ازاي ،ما انت لسه قايلي ان جانيت لو مكانتش ساعدت بدر في الفلوس انت كنت هتخلي معتز يسد الفلوس ويديها لبدر .

جاسر : طبعا انا مستحيل افرط في اي شركه او فروع او مصانع انا خليت  مخطط مايكل يظهر انه نجح علشان اعرف مين معانا ومين علينا ولما الورق انكشف وجانيت و وسيم وعصام وظهور طارق وحور في اللعبه انكشفوا كده كلهم قدامي ، علشان كده كان لازم انقذ المصانع …

يوسف : وهما كده هيسكتوا اكيد لا وهيخططوا تاني .

جاسر : مش مهم الاهم عندي ان ورقهم كله انكشف قدامي ، انا تقريبا نفذت نص اللي كنت عايزه وباقي النص التاني لكن مش هيكمل الا بوجود بدر معايا لانه هو اللي هيكمل تنفيذ.

يوسف : وجانيت وياسين كده خلاص ، وشريف عرف باللي حصل .

جاسر : موضوع جانيت ده انا هعرف احله كويس لكن مش دلوقتي الاهم حياتهم كلهم عندي .