Scum Gong Thought I Was A White Lotus {MM Translation}

Chapter(23)

[Unicode]

ရှဲ့မော့ထံတွင်တစ်ခုခုလွဲနေပြီဖြစ်ကြောင်း ပေါင်ကျွင်ရှင်းလင်းစွာခံစားမိသည်။

ကောင်လေးရဲ့ကျန်းမာရေးပြန်ကောင်းမွန်လာတဲ့ ဒီရက်တွေအတွင်း သူကကုမ္ပဏီကိုပြန်သွားဖို့ပဲစိတ်အားထက်သန်နေခဲ့တယ်။

ရှဲ့မော့ကသူ့ကိုကူညီပေးချင်နေကြောင်း ပေါင်ကျွင်သိထားတဲ့အတွက် ကောင်လေးနဲ့အတူနေ့ရောညပါအချိန်တွေကုန်ဆုံးစေခဲ့တယ်။ ဒါပေမယ့်လည်း ရှဲ့မော့သာ တကယ်အလုပ်ကိုပြန်သွားဖို့ဆုံးဖြတ်လိုက်ပြီဆိုရင် အလိမ်အညာနဲ့ဖုံးကွယ်ထားစရာအကြောင်းမရှိနိုင်တော့သည်ကို သူသိသည်။

သူ့ရဲ့ရှောင်မော့ဟာ လှောင်အိမ်ထဲကငှက်တစ်ကောင်မဟုတ်ပဲ ကောင်းကင်တစ်ခွင်ပျံသန်းမယ့်လင်းယုန်တစ်ကောင်ဖြစ်တဲ့အတွက် သူ့ဆီမှာအခွင့်အလမ်းရှိနေသမျှကာလပတ်လုံး ကောင်းကင်ကိုတက်လှမ်းပြီးအဝေးကိုပျံထွက်သွားဖို့လုပ်ပေလိမ့်မည်။

ပေါင်ကျွင်က သူ့ရဲ့မျက်နှာကိုအမြဲထိန်းသိမ်းပြီး ရှဲ့မော့ကိုပိတ်ဆို့ထားခဲ့သည်။ ကောင်လေးက ဒီအရာမှာမျက်ကန်းလိုဖြစ်သွားခဲ့ပြီး သူ့ချစ်သူဟာ သူ့ကောင်းကျိူးအတွက်ပဲစိုးရိမ်နေတယ်လို့ မိုက်မဲစွာယုံကြည်နေခဲ့တယ်။

ပေါင်ကျွင့်ကိုကူညီနိုင်ဖို့ သူ့သန်မာမှုတွေကိုအမြန်ဆုံးရရှိအောင်ကြိုးစားနေစဉ် သူ့ချစ်သူရဲ့ဂရုစိုက်မှုတွေကို အသာတကြည်ပဲလက်ခံနေခဲ့တယ်။

ဒါပေမယ့် မနေ့ကပြောဆိုခဲ့ကြတဲ့စကားဝိုင်းအပြီးတွင် ကောင်လေးသည် လေ့ကျင့်ခန်းလုပ်ရန်နှင့် ငါးများကိုအစာကျွေးရန် ပန်းခြံငယ်ထဲသို့သွားနေဆဲဖြစ်ကာ ပြန်နလန်ထူသည့်ကိစ္စနှင့် အလုပ်ပြန်လုပ်မည့်ကိစ္စတို့ကို ထပ်မပြောတော့ပေ။

သူ့ကိုယ်သူ သခင့်လက်ဖဝါးထဲက အချည်နှောင်ခံငှက်ငယ်လေးဖြစ်လာစေရန် တလိုတလားခွင့်ပြုပေးခဲ့သည်။ ဒီငှက်ငယ်လေးမှာ သာယာနာပျော်ဖွယ်သီချင်းဆိုသံရှိမည်ကရှင်းလင်းနေသော်လည်း ထိုသီချင်းသံသည် သူ၏ပိုင်ရှင်တစ်ဦးတည်းအတွက်သာဖြစ်ပြီး ပေါင်ကျွင်တည်ဆောင်ထားသည့်လှောင်အိမ်ထဲတွင်ပုန်းနေကာ သူ့ခေါင်းထဲကထွက်လာတဲ့စိတ်ကူးအကြံဉာဏ်တို့တွင် လုံးဝမပျော်မွေ့တော့ပေ။