Scum Gong Thought I Was A White Lotus {MM Translation}

Chapter(19)

[Unicode]

[ထန်ထောင်ရဲ့စိတ်ပိုင်းဆိုင်ရာအခြေအနေ သာမန်ထက်ပိုပြီးမြင့်တက်နေကြောင်းသတိထားမိတယ်]

[သူရူးသွားတာလား?]
ရှဲ့မော့ကပြတင်းပေါက်ကိုမှီထားရင်း ကားမောင်းသွားသည့်အရှိန်ဖြင့် အပြင်ဘက်တွင်ဖြတ်ပြေးနေသည့်ရောင်စုံမြင်ကွင်းတို့ကိုငေးကြည့်ရင်း နှုတ်ခမ်းတို့အနည်းငယ်တွန့်ကွေးနေခဲ့သည်။

[ရူးလည်းရူးပါစေတော့။ ဘယ်လိုပဲဖြစ်ဖြစ် သူ့ရူးသွပ်မှုကငါ့ကိုစိတ်အနှောင့်အယှက်ထပ်မဖြစ်စေတော့ဘူး]

ပေါင်ကျွင်ကားမောင်းနေခဲ့သည်။ ထန်ထောင့်ကိုဦးတည်ပြောဆိုခဲ့တဲ့ ကောင်လေးရဲ့အေးစက်စက်စကားတွေကို သူပြန်စဉ်းစားနေမိပြီးနှလုံးသားထဲမှာလည်း စိတ်လှုပ်ရှားသည့်လှိုင်းများထုတ်လွှတ်လျက်ရှိသည်။ ပြတင်းပေါက်ကိုငေးကြည့်နေတဲ့ချစ်သူလေးကို သူတစ်ချက်ခိုးမကြည့်ပဲမနေနိုင်ခဲ့ပေ။

သူ့မျက်ခွံတွေအနည်းငယ်လျော့ရဲကျလျက် ဆွဲဆောင်မှုရှိသည့်နှုတ်ခမ်းတစ်စုံကလည်း လှပသည့်အိပ်မက်တစ်ခုမက်နေသည့်နှယ် တစ်ချက်တစ်ချက်တွန့်ရုံမျှပြုံးနေသည်။

ဒါ့အပြင် ပေါင်ကျွင်က ဒီအိပ်မက်လှလှလေးကိုဆက်လက်တည်ရှိနေစေမှာအသေအချာပင်။

စိတ်ရောဂါကုဆရာဝန်နှင့်တွေ့ဆုံပြီးနောက် ကောင်လေးသည် ဆရာဝန်ညွှန်ကြားချက်အတိုင်းစတင်လိုက်နာခဲ့ပြီး ဥယျာဉ်ပန်းခြံအတွင်းလျှောက်လည်ပတ်၍တစ်မျိူး၊ သူ့အကြိုက်ဆုံးအစားအစာများစားသုံး၍တစ်နည်းဖြင့် တီဗီလည်းကြည့်ရင်းစိတ်အပန်းဖြေလေ့ရှိလာသည်။

နောက်ဆုံးအချက်မှာ အိပ်ရာမဝင်ခင်ညတိုင်း နေ့စဉ်မှတ်တမ်းဒိုင်ယာရီရေးရန်ဖြစ်သည်။

ဒီုင်ယာရီရေးခါစတွင် ရှဲ့မော့ကအနည်းငယ်သံသယဝင်ခဲ့ပြီး ဒီနေ့အတွင်းသူဘာတွေစားခဲ့သလဲနဲ့ ဘာတွေကစားခဲ့သလဲဆိုတာကိုသာရေးခဲ့သည်။ နောက်ပိုင်းတွင် ပေါင်ကျွင်ကသူ့ဒိုင်ယာရီလေးကိုစိတ်မဝင်စားမှန်းသတိထားမိသွားပြီး သူ့လျှိူ့ ဝှက်နံပါတ်ကိုပင်မမေးခဲ့ပေ။ ဒီလိုနဲ့ သူ့ရဲ့တခြားအရာတွေကိုပါ တဖြည်းဖြည်းချင်းစတင်ဖြည့်စွက်ရေးသားလာခဲ့တယ်။