Scum Gong Thought I Was A White Lotus {MM Translation}

Chapter(21)

[Unicode]

ပေါင်ကျွင်ငယ်ငယ်တုန်းက သူ့မိဘတွေမကြာခဏငြင်းခုံကြလေ့ရှိတယ်။ သူတို့က နှစ်ရက်တစ်ခါအသေးစားငြင်းခုံမှုလေးတွေရှိပြီး သုံးရက်တစ်ကြိမ်အကြီးအကျယ်စကားများလေ့ရှိတယ်။ တစ်ခါတလေ လက်တွေဘာတွေပါလာပြီး ကိုယ်ထိလက်ရောက်တိုက်ခိုက်မှုတွေပါရှိခဲ့တယ်။ ဒီအကြောင်းကြောင့်ပဲ စည်းကမ်းအလွန်တင်းကြပ်သည့် အဘိုးဖြစ်သူနောက်သို့သူလိုက်ပါလာခဲ့ရသည်။

ပေါင်ကျွင်ကဉာဏ်ကောင်းခဲ့သော်လည်း အဆုံးတွင်သူသည်ကလေးတစ်ယောက်သာ။ သူ့အဘိုးဖြစ်သူက သူ့ကိုကစားစရာကောင်းများစွာနှင့်မကစားရန်တားမြစ်ခဲ့သည်။ သူစာအုပ်တွေကိုသာဖတ်ရှုလေ့လာနိုင်ခဲ့ပြီး သူ့အသက်အရွယ်နဲ့မလိုက်ဖက်တဲ့အသိပညာမှန်သမျှကိုသူသင်ယူလေ့လာခဲ့ရတယ်။

သူအသက်၈နှစ်အရွယ်တုန်းက အပျံသင်ခါစငှက်ပေါက်လေးတစ်ကောင်ကို သူကောက်ယူလာခဲ့ဖူးတယ်။

ဒါက ပထမဆုံးအကြိမ်အဖြစ် တခြားသက်ရှိရဲ့ဘဝနေထိုင်မှုပုံစံကို သူတကယ်သဘောကျမိခြင်းဖြစ်သည်။ သူကငှက်ပေါက်လေးကိုအစာကျွေး၊ ရေလဲပေးပြီး ထိုငှက်ပေါက်လေးအိပ်ပျော်သွားတာကိုကြည့်ဖို့ သူ့အခန်းထဲထိတောင်ခေါ်ယူလာခဲ့သေးသည်။

ဒီငှက်ပေါက်လေးကိုသူအရမ်းသဘောကျနေခဲ့ပြီး ငှက်ပေါက်လေးကလည်း သူ့ကိုထပ်တူပြန်သဘောကျမှာပဲဟု ၈နှစ်အရွယ်ပေါင်ကျွင်လေးယုံကြည်နေမိတယ်။

ဒါပေမယ့် သူ့အဘိုးက သူ့ကိုပိတ်လှောင်ထားတဲ့လှောင်ချိူ င့်ငယ်တံခါးကိုဖွင့်လိုက်ချိန်မှာ ငှက်ငယ်လေးမှာတွန့်ဆုတ်ခြင်းအလျင်းမရှိပဲ သူ့ကိုချန်ထားခဲ့လေသည်။

ဒီအကြိမ်မှာတော့ မင်းသဘောကျတဲ့အရာ ရှိလာပြီဆိုရင် ထိုအရာကို မင်းရဲ့လက်ထဲမှာတင်းတင်းဖမ်းဆုပ်ထားပြီး ထွက်ပြေးလွတ်မြောက်ရန်အခွင့်အရေးလေးတစ်ခုပင်မပေးမိစေရန် ပေါင်ကျွင်ပထမဆုံးအဖြစ်သတိထားမိခဲ့သည်။

သို့ရာတွင် ထိုအကြိမ်မှစ၍ သူ့ထံတွင်သဘောကျရသည့်အရာ (သို့မဟုတ်) ထာဝရဖမ်းဆုပ်ထားချင်ခဲ့သည့်လူတစ်ယောက်ပင်မရှိလာတော့ပေ။