နောက်ကျလေသောအသိတရားတွေအတွက်သူ့မှာနာကျင်ရုံအပြင်မရှိ။ နေ့စဥ်ရက်ဆက် ဒေါ်ဒေဝီ၏အိမ်တော်ရှေ့ ကင်းလှည့်ခဲ့ပေမဲ့ မဏိ၏ သေးငယ်သည့်အရိပ်လေးပင်မမြင်ရခဲ့ချေ ။
လက်ထဲမှ ဖလင်ပြားလေးအား ကိုင်ထားရင်း ရတနာတစ်ခုလို ခဏခဏတယုတယထုတ်ကြည့်နေမိသည် ။
" အကိုလေးအဂ္ဂ ပြန်ပါတော့ဗျာ လူမြင်လို့လဲမကောင်းဘူး "
အိမ်တော်၏ တံခါးစောင့်ကောင်ငယ်လေးမှာ ခပ်တိုးတိုးသာပြောရင်းအဂ္ဂ အား တောင်းပန်တိုးလျှိုးစွာကြည့်နေခဲ့သည် ။
" မဏိကို တွေ့ချင်တယ် "
လွမ်းအဂ္ဂညို၏ အသံမှာ အနည်းငယ်အက်ကွဲလို့ခြောက်သွေ့နေသည် ။ သူ၏ပုံစံမှာနွမ်းနယ်မှုအထင်းသား။ အရင်လိုမောက်မာဟန်တွေမှာ အရောင်မှိန်နေလေသည်။
" တကယ်တော့....ဟို မဏိက ကိုဝဏ္ဏကျော်စွာနဲ့ ဆေးရုံကိုထွက်သွားတယ်ရယ် "
" ဘာ ! "
လွမ်းအဂ္ဂညို ၏မျက်နှာကြောမှာတင်းသွားလို့ မည်းမှောင်သွား၏။ အံကိုတင်းတင်းကြိတ်ဝါးထားခြင်းကြောင့် မေးနှင့် နားထင်ရှိအကြောတွေမှာ ထင်းထွက်နေလေသည် ။
" ဘယ် ဆေးရုံလဲ "
" ကျွန်တော်...မသိ "
ဝုန်း !
နောက်သို့လှည့်ရင်း ကားမှန်အားလက်သီးပြင်းပြင်းတစ်ချက်ထိုးလိုက်တဲ့အခါခြံစောင့်ကောင်လေးမှာ အနည်းငယ်တွန့်ဆုတ်သွားလေသည်။
ကားမှန်မှာ ပင့်ကူအိမ်ရာတွေပါထင်လို့ လွမ်းအဂ္ဂညို ၏ လက်ဆစ်တွင်လည်း ပေါက်ပြဲသွားပေမဲ့ နာကျင်နေမှုကိုတောင်သတိမပြုမိဟန်ရှိမနေချေ ။
ဆေးရုံလိပ်စာကိုသိတာနှင့် ကားအားခပ်ကြမ်းကြမ်းမောင်းနှင်ရင်း အနက်ရောင်ကားလေးကတော့ လမ်းမထက်အရှိန်ပြင်းပြင်းဖြင့်ပြေးထွက်သွားပြီဖြစ်သည် ။
× × ×
" ဒီကြားထဲတော့ ဂရုစိုက်ရမယ်နော် ခွဲမွေးရမှာဆိုတော့ ရိုးရိုးမွေးတဲ့လူတွေလို ကလေးထွားလို့ မွေးဖွားရခက်မှာလဲစိတ်မပူရဘူးလေ အဲ့တာကြောင့်မို့အားရှိတာလေးများများစား ရမယ် "
YOU ARE READING
My Bad Husband
RomanceSeme is Asshole! Abuse Type ဖြစ်တာကြောင့် အနိုင်ကျင့်ခြင်း ကြမ်းတမ်းသောစကားတွေနှင့် Adult Scenes တွေပါတာကြောင့် အဆင်ပြေမှဖတ်ပါရှင့်။ || Complete ||
