ကုတင်ပေါ်တက်လာလို့သူ့ဘေးကပ်ရို့ရို့ဝင်ထိုင်လိုက်တဲ့ သမီးလေး၏ ပုံကိုကြည့်လို့ လွမ်းအဂ္ဂညို ပြုံးလိုက်မိသည်။
" နာလား ဟင် "
လွမ်းဧကရီညို လှုပ်ရှားမှုကင်းမဲ့နေသော လွမ်းအဂ္ဂညို၏ ခြေထောက်အားလက်ညှိုးသေးသေးလေးဖြင့်ထိလို့ ခပ်တိုးတိုးမေးလာ၏။
" မနာတော့ပါဘူးသမီးလေးရဲ့ "
ကျစ်ဆံမြှီးလေးအားအသာယာကိုင်လို့ ပါးအိအိလေးအား အူယားဖွယ်ဆွဲဖဲ့ကာဖြေလေသည် ။
ခေါင်းကိုထိတာမကြိုက်တက်သော ဧကရီမှာ လွမ်းအဂ္ဂညို၏ လက်ဖဝါးကျယ်ကျယ်တွေဖြင့် တယုတယပွတ်သပ်မှုအောက်ဝယ် ပျော်ရွှင်နေသည့်နှယ်။
" သမီးဖေကြီးကို ကြည့် .. "
လွမ်းအဂ္ဂညိုအားထည့်ပွေ့ချီရင်း သမီးလေးအားရင်ခွင်ထဲထည့်ကာ ဆံပင်တွေအားပွတ်သပ်ပေးကာ နဖူးသေးသေးလေးထက်ခပ်ဖွဖွနမ်းလိုက်မိသည်။
" ဖေကြီးခြေထောက်ဒဏ်ရာရတာ သမီးလေးကြောင့် လုံးဝမဟုတ်ဘူး အဲ့တာကိုသမီးလေးနားလည်ထားရမယ်နော် ။ သမီးကိုယ်သမီး အပြစ်တင်တာမျိုးလုံးဝမဖြစ်ရဘူး ။ ဒီတလောကလုံးမှာ ဖေကြီးသမီးနဲ့ သားက အဖြူစင်ဆုံးပဲ "
လွမ်းဧကရီညို ၏မျက်လုံးဝိုင်းဝိုင်းတွေထဲမျက်ရည်တွေပြည့်အိုင်လာလို့ နှုတ်ခမ်းလေးမှာ ထော်တက်လာသည်။
" အဲ့နေက ဦးဦး တစ်ယောက်က မီးဆီ လာပြီး ဖေကြီးဓာတ်ပုံပြတယ် ပြီးတော့ ဖေကြီးခေါ်ခိုင်းတာလို့ မီးကိုပြောတော့ လိုက်သွားတာ "
" ဖေကြီး ... သမီးလေးက လိမ္မာလိုက်တာကွာ ။ နောက်ဆို ဖေဖေရယ် ဖေကြီးရယ်ကလွဲပြီးဘယ်သူခေါ်ခေါ်မလိုက်သွားရဘူးနော် "
လွမ်းအဂ္ဂညို၏ စကားတွေအား မျက်ရည်လည်ရွှဲဖြင့်ခေါင်းငြိမ့်ပြရင်း ဖခင်လုပ်သူ၏ ရင်ဘက်အား ခေါင်းမှီနေလေသည် ။
" အရင်က ဖေကြီးကို ဘာလို့မခေါ်တာလဲဟင် သမီး "
" လူဆိုးလို့ထင်လို့ ။ ဖွားဖွားမြင့်ကပြောဖူးတယ် ဖေဖေ့ဗိုက်က နာနာက ဖေကြီးကြောင့်ရတာတဲ့ "
YOU ARE READING
My Bad Husband
RomanceSeme is Asshole! Abuse Type ဖြစ်တာကြောင့် အနိုင်ကျင့်ခြင်း ကြမ်းတမ်းသောစကားတွေနှင့် Adult Scenes တွေပါတာကြောင့် အဆင်ပြေမှဖတ်ပါရှင့်။ || Complete ||
