နှိုင်းတုမဏိ မူကြိုကျောင်းရှေ့ရောက်တာနှင့် သစ်ပင်တစ်ပင်အောက်တွင်အချိန်တော်ကြာရပ်ထားသည့်ကားအားသတိထားမိလေသည် ။
တစ်နေ့လျှင်ကားတစ်စီးကတော့ ဤပတ်ဝန်းကျင်တွင် ရှိနေတက်သည် ။
" မဏိ တစ်ခုခုဖြစ်လို့လား "
ဒရိုက်ဘာဦးလေးမှာဘေးဘီသို့အကြည့်ပို့ရင်း မေး၏။ နှိုင်းတုမဏိ မျက်လွှာချကာ ခေါင်းသာခါပြလိုက်သည်။
" ဖေဖေ ... "
သားလေးအားလှမ်းခေါ်လိုက်ရင်း နှိုင်းတုမဏိ မျက်မှောင်ကြုတ်လိုက်မိသည်။
" ဧကရီရော သား "
လွမ်းဧကညို၏ပခုံးနှစ်ဖက်ကိုဆုပ်ကိုင်ထားသော နှိုင်းတုမဏိ၏လက်တွေတုန်ယင်နေပြီဖြစ်သည် ။
" အရပ် ချေချေနဲ့ ဦးဦးလာထော်သွားတယ် "
သမီးလေး၏ စိတ်နေစိတ်ထားနှင့်ဆို လူစိမ်းဘယ်တော့မှကပ်၍ရမည်မဟုတ်ချေ ။
နှိုင်းတုမဏိအံကိုတင်းတင်းကြိတ်လို့ ကားလမ်းတစ်ဖက်ဆီ ကူးလိုက်ကာသစ်ပင်အောက်မှ ကားထံလျှောက်လှမ်းသွား၏။
သားလေးအားပွေ့ချီလို့ သူရှိရာကားဆီလှမ်းလာနေသော မဏိကိုမြင်တဲ့အခါ လွမ်းအဂ္ဂညို၏မျက်ဝန်းတွေမှာလင်းလတ်သွား၏။
" မဏိ ကိုယ့်ဆီလာ .... "
ဖြောင်း ...
ရုတ်တရက်မို့ လွမ်းအဂ္ဂညို၏ မျက်နှာမှာအထိန်းကွပ်မဲ့လည်ထွက်သွား၏။ ကားတွင်းမှမြင့်မြတ်သူမှာလည်း တံခါးဖွင့်အပြေးဆင်းလာကာ အထိတ်တလန့်နှင့်ပင် ။
" သမီးကို ပြန်ပေး ။ ကျွန်တော့်သမီးကိုပြန်ပေးလို့ ... "
" ကိုယ်ဒီမှာ အစားတောင်မစားပဲ ထိုင်စောင့်နေတာ ဘယ်နှရက်ရှိပြီလို့ မင်းထင်လဲမဏိ ။ ဒါပေမဲ့ ကိုယ်ကလေးတွေအနားကပ်တောင်မကပ်ခဲ့ဘူး ... "
နှိုင်းတုမဏိ၏နှုတ်ခမ်းတွေမှာတဆက်ဆက်တုန်ယင်လာလို့ မျက်ဝန်းပြာမှ မျက်ရည်တွေကလည်းစီးကျလာ၏။
သမီးလေးသာ တစ်ခုခုဖြစ်ရင်ဆိုတဲ့အတွေးနဲ့တင် သူ့တစ်ကိုယ်လုံးအားအင်တွေဆုတ်ယုတ်လာပြီဖြစ်သည်။
YOU ARE READING
My Bad Husband
RomanceSeme is Asshole! Abuse Type ဖြစ်တာကြောင့် အနိုင်ကျင့်ခြင်း ကြမ်းတမ်းသောစကားတွေနှင့် Adult Scenes တွေပါတာကြောင့် အဆင်ပြေမှဖတ်ပါရှင့်။ || Complete ||
