ကားမှာ တငြိမ့်ငြိမ့်ဖြင့် နှိုင်းတုမဏိ၏နေအိမ်သို့ရောက်ရှိလာ၏။ ကားတံခါးအားဖွင့်လို့ဆင်းကာ အိမ်မှာတော့ တိတ်ဆိတ်နေလေသည်။
" သမီးနဲ့သားရော "
" အဒေါ်တို့အိမ်မှာ "
" ဘယ်ကအဒေါ်လဲ "
လွမ်းအဂ္ဂညို အပေါ်ကုတ်ကိုချွတ်လို့ ဆိုဖာပေါ်ခြေ ချိတ်ထိုင်ရင်း လက်ခုံဖြင့်နှုတ်ခမ်းနားကသွေးစတွေကိုသုတ်လိုက်၏ ။
ကုန်းလိုက် ငုံ့လိုက်ဖြင့် ရှာပုံတော်ဖွင့်နေသောမဏိမှာလွမ်းအဂ္ဂညို၏ မေးခွန်းတွေအား လိုရင်းတိုရှင်းသာ ခပ်ဆက်ဆက်ပြန်ဖြေနေလေသည် ။
" ကိုယ်မေးနေတယ်လေ ဘယ်ကအဒေါ်လဲလို့ "
" ကိုသောတ ရဲ့အမေ "
လွမ်းအဂ္ဂညို၏ အသက်ရူသံတွေမှာခဏတော့ ကမောက်ကမ ဖြစ်သွားရ၏။ မိမိ၏သွေးသားတွေအား သူစိမ်းလက်ထဲ၌ ရှိနေရုံမက ထိုလူမှာမိမိပြိုင်ဘက်၏ မိခင်ဖြစ်နေသေးသည်။
တကယ်ဆို သူ့အမေက စိတ်ဆိုးနေဆဲဖြစ်တာကြောင့်ကလေးတွေကိုပင်မတွေ့ရသေးတဲ့အခြေနေမှာ သောတလှိုင်းကတော့ဖြင့် သူ့ထက်အရင်ဦးစွာခြေလှမ်းဦးနေခဲ့ပြီဖြစ်သည် ။
" ခင်ဗျား ပါးစပ်ဟလိုက်အုံး "
ခုံပုံတစ်လုံးအားခုထိုင်လို့ လွမ်းအဂ္ဂညို၏ရှေ့တွင် ထိုလူအားခေါင်းငုံ့စေကာ ဂွမ်းတံလေးဖြင့် ဆေးတို့ကာ လျှာရှိအနာအားရှာဖွေနေလေသည် ။
" လျှာကို သေချာထုတ်ပေးပါအုံး ကျွန်တော်မမြင်ရဘူး "
" ကိုယ့်လျှာက ထုတ်တာမကျွမ်းဘူး။ထည့်တာပဲကျွမ်းတာ မင်းလဲသိရဲ့သားနဲ့ကို "
နှိုင်းတုမဏိ၏ လက်မှာတုန်ယင်သွားလို့ နားရွက်ဖျားတွေမှာချက်ချင်းဆိုသလိုနီရဲတက်လာ၏။
တုန်ယင်နေသောလက်ဖြင့်သာ လွမ်းအဂ္ဂညို၏ လျှာ၏ ဘေးစောင်းနားလောက်တွင်ရှိသော ပေါက်ပြဲနာလေးအား ခပ်ဖွဖွဆေးထည့်ပေးနေ၏။
" မင်း ကိုယ်နဲ့ပြန်လိုက်ခဲ့တော့ မဏိ"
နှိုင်းတုမဏိ၏လက်တွေမှာတုန့်ငင်သွားလို့ ဆေးထည့်နေခြင်းကိုအဆုံးသတ်လို၏။ မျက်ဝန်းပြာတွေမှာတည်ငြိမ်ကာ ဆေးဘူးအားနေရာတကျထားပြီးတာနှင့် ဆံပင်တွေအား အသေချာပြန်ပြင်စည်းနှောင်နေလေသည်။
KAMU SEDANG MEMBACA
My Bad Husband
RomansaSeme is Asshole! Abuse Type ဖြစ်တာကြောင့် အနိုင်ကျင့်ခြင်း ကြမ်းတမ်းသောစကားတွေနှင့် Adult Scenes တွေပါတာကြောင့် အဆင်ပြေမှဖတ်ပါရှင့်။ || Complete ||
