ကား၏ပြတင်းတံခါးပေါက်မှနေ တဆင့်လှမ်းမြင်နေရတဲ့မြင်ကွင်းတွေမှာ လျှပ်တပြက်ဆန်လွန်းလှသည်။
နှိုင်းတုမဏိ၏ ဆံပင်တွေမှာမသေမသပ်ညှပ်ထားမှုကြောင့်ကျိုးတို့ကျဲတဲဖြစ်နေချေသည် ။
အဝေးပြေးကားကြီး၏ တသိမ့်သိမ့်ထွက်ခွာမှုစတင်တာနှင့် ကလေးနှစ်ယောက်မှာ သူ၏ရင်ခွင်အတွင်းသို့ဝင်ကာ စတင်မှေးစက်နေပြီဖြစ်သည် ။
" သိပ်မလှုပ်နဲ့နော် ...ဖေဖေအသားတွေနာနေလို့ "
ခေါင်းတဆက်ဆက်ငြိမ့်ပြကြရင်း ပေါင်တစ်ဖက်ဆီတွင်နေရာဝင်ယူလို့ ရင်ဘက်ဆီခေါင်းတင်မှီကာ အိပ်ပျော်သွားကြပြန်သည် ။
တစ်ခါတလေ သားရဲတွင်းကပင်အလုံခြုံဆုံးနေရာဖြစ်နေတက်သည် ။
မွေးရပ်မြေသို့ပြန်ချိန်တွင် ကလေးနှစ်ယောက်အပေါ်ထားသည့် ချစ်ခြင်းမေတ္တာအပြင် သူ့ရင်ထဲတွင်ဗလာသပ်သပ်ခံစားချက်တွေသာဖြစ်ပေါ်နေခဲ့သည် ။
တစ်စုံတစ်ယောက်ပေါ် ချစ်တဲ့စိတ်။ မုန်းတဲ့စိတ် ဆိုတာမျိုးမရှိတော့ပဲဟင်းလင်းပြင်သာရှိနေခဲ့သည် ။
လွမ်းအဂ္ဂညို ဆိုတာ သူ၏နာကျင်မှုအပိုင်းအစဖြစ်ကာ မည်သည့်နာကျင်မှုမျိုးမဆို အချိန်ကြာလျှင်ပျောက်ကွယ်သွားတက်သည်ဖြစ်သည် ။
ကားပေါ်ကဆင်းလိုက်သည်နှင့် ထည်ဝါသောအိမ်ကြီးမှာအရင်တိုင်းပင် ။. ရွှေရောင်တွေဖိတ်ဖိတ်လက်လို့ ကံ့ကော်ပင်ကြီးမှာလည်း ဟိုအရင်အတိုင်းတည်ရှိနေဆဲ ။
ဖေဖေသိပ်ကြိုက်ခဲ့တဲ့ပန်းမို့ မယ်မယ်ကြီးက အမြတ်တနိုးစိုက်ပျိုးခဲ့တာဖြစ်သည် ။
ကံ့ကော်ပန်းတွေဟာ သိပ်မွှေးကြိုင်သည်။ ကြွေသည့်တိုင် ညှိုးနွမ်းသွားသည့်တိုင် ။
" ဘယ်သူပါလဲရှင့် "
ဒေါ်ဒေါ်မှာ သူ့ကိုမြင်တာနှင့် မယုံကြည်နိုင်ဖွယ် ။ မဏိ၏လက်တစ်ဖက်ဆီမှ ကလေးတွေကိုမြင်သည့်အခါ ချုံးပွဲချ ငိုလေတော့သည် ။
ဒေါ်ဒေဝီအပြင်ထွက်လာတဲ့အခါ မြင်လိုက်ရတဲ့မြင်ကွင်းမှာ သူ၏ရင်ဘက်တွေအား ရိုက်နှက်နေသည့်နှယ် ။
YOU ARE READING
My Bad Husband
RomanceSeme is Asshole! Abuse Type ဖြစ်တာကြောင့် အနိုင်ကျင့်ခြင်း ကြမ်းတမ်းသောစကားတွေနှင့် Adult Scenes တွေပါတာကြောင့် အဆင်ပြေမှဖတ်ပါရှင့်။ || Complete ||
