' ဝေးဝေးသွားလို့ မရအောင် အချစ်ရယ် ဖက်ထားချင်တယ် ။
မင်းရဲ့ အပြုံးနုလေးနဲ့ ဝေးမှာကိုယ်ကြောက်နေတယ် ။
ခြေလှမ်းလေး လှမ်းလိုက်တိုင်းမှာအရိပ်ကလေးလို ကိုယ်လိုက်နေမယ်။
သိပ်ချစ်တာ သူသိပါကွယ် '
ဆိုင်ထဲဝင်ဝင်ချင်းကြားရသီချင်းမှာခပ်ငြိမ့်ငြိမ့် ။ ဘာရယ်မဟုတ် နှိုင်းတုမဏိ ပြုံးလိုက်လုနီးပါးပင် ။
" ဒီနေ့ Wedding ring တစ်စုံလာအပ်ထားတာရှိတယ် မဏိ ။ Design ကတော့ရှယ်ပဲဗျာ "
" ဟုတ်လား ။ ကျွန်တော့်ကိုပြပါအုံး ကိုလွင်ထွန်း "
အချောသပ်ဆွဲပြထားသော လက်စွပ်ဒီဇိုင်းမှာ ရိုးရှင်းမည့်ဟန်နှင့်အနည်းငယ်ဆန်း၏။
အသည်းတစ်ခြမ်းဆီကာဖြစ်ကာ လက်ချင်းယှတ်လိုက်ကာမှ ထိုအသည်းလေးမှာ တစ်ခုတည်းသဏ္ဍာန်ဖြင့်ဆက်သွားသည့်ပုံလေးမှာ တော်တော်ကို ချစ်စဖွယ်ကောင်းလေသည် ။
" ငွေကိုလဲ အကုန်တခါတည်းချေသွားတာမို့လို့ ဒီလအတွင်း အပြီးသတ်ရမဲ့ဟာလေးတွေပြီးရင်တော့ ကျွန်တော်ဒါလေးကိုစကိုင်လိုက်ပါ့မယ်"
" အင်း ကြိုးစားလိုက်ပါအုံး "
နှိုင်းတုမဏိ၏ ဖော်ရွေမှုနှင့်အပြောအဆိုချိုသာမှုတို့ကြောင့် ဆိုင်မှာနာမည်ကြီးကာ အလုပ်သမားတွေကလည်း သူတို့၏အလုပ်ရှင်အလှလေးအား အင်မတန်ချစ်ခင်ကြသည်။
လခနည်းတာ များတာ အသာထား နှိုင်းတုမဏိ၏ မျက်နှာအားမြင်နေရသည်နှင့်ကို တန်နေပြီလို့တောင်တွေးမိသည် ။
" မဏိ ဦးကျော်ဖုန်းဆက်တယ်ရယ် သူ့သမီးလေး ဖျားလို့အရေးပေါ်ဖြစ်သွားလို့တဲ့ ညနေလာမကြိုနိုင်ဘူးပြောတယ် ဗျ "
" သူငွေလိုတယ်ပြောရင် တောင်းသလောက်ထုတ်ပေးလိုက်နော် ။ ညနေကျွန်တော့်ဘာသာပဲ ကားမောင်းပြန်လိုက်ပါ့မယ် "
" အဆင်ပြေပါ့မလား ဗျ ။ ကိုကျော်စွာဆီ ဖုန်းဆက်လိုက်ရင်ရော "
" ရတယ် အရမ်းဝေးရင်သာမမောင်းနိုင်တာ မြို့တွင်းကတော့ သွားရင်းလာရင်း နေ့တိုင်းမြင်နေကျဆိုတော့ မောင်းရတာအဆင်ပြေလောက်ပါတယ် "
YOU ARE READING
My Bad Husband
RomanceSeme is Asshole! Abuse Type ဖြစ်တာကြောင့် အနိုင်ကျင့်ခြင်း ကြမ်းတမ်းသောစကားတွေနှင့် Adult Scenes တွေပါတာကြောင့် အဆင်ပြေမှဖတ်ပါရှင့်။ || Complete ||
