အိမ်ထဲအတူတူဝင်လာတဲ့ ကလေးနှစ်ယောက်ပွေ့ချီထားတဲ့ မဏိနဲ့ဝဏ္ဏကျော်စွာကြောင့် လွမ်းအဂ္ဂညို၏ မျက်နှာမှောင်ကုတ်နေ၏။
မသိလျှင် တစ်အိုးတစ်အိမ်ထောင်ထူထောင်ထားသည့် မိသားစုလေးအတိုင်း။
ဝှီးလ်ချဲလက်ရမ်းအားတင်းကြပ်စွာကိုင်ထားသည့်လွမ်းအဂ္ဂညို၏ လက်အားကြောင့် ထိုလက်ရမ်းမှာ ကျိုးကြေလုနီးပါးပင် ။
" ဖေကြီး . . . "
လွမ်းဧကညိုလေးမှာ မျက်ရည်အဝိုင်းသားဖြစ်နေတာကြောင့် နှိုင်းတုမဏိလည်းပြာပြာသလဲဖြစ်သွားချေ၏။
" လာ ဖေကြီးဆီ "
နှိုင်းတုမဏိလွှတ်ပေးလိုက်သည်နှင့် လွမ်းဧကညိုမှာ လွမ်းအဂ္ဂညိုထံ ပြေးဝင်သွားလေသည် ။
သားလေးအားပွေ့ချီကာ သူ၏အောက်ပိုင်းတွင်ထိုင်စေကာရင်ခွင်တွင်းထွေးပွေ့လိုက်ချေသည်။
" ပြော ဖေကြီးသားလေး ဘာဖြစ်တာလဲ "
" ကျောင်းမှာ သားကိုအနိုင်ကျင့်ကြတယ် ။ ဖေကြီးကိုလဲ လူဆိုးလို့ပြောတယ် ... ဟင့် "
နှိုင်းတုမဏိနှင့်ဝဏ္ဏကျော်စွာဘေးတွင်ယှဥ်တွဲရပ်လို့ဘာစကားမှဝင်မပြောပေမဲ့ နှိုင်းတုမဏိ၏ မျက်နှာကတော့ပျက်ယွင်းနေခဲ့သည် ။
" သားသူတို့ကို အနိုင်ပြန်ကျင့်ချင်လား "
လွမ်းဧကညိုမှာ မျက်လုံးလေးကလည်ကလည် ဖြင့်ဘာမှထပ်မပြောချေ ။
လွမ်းအဂ္ဂညို အိမ်ခြံဝအထိဝဏ္ဏကျော်စွာအားလိုက်ပို့ပေးနေသော နှိုင်းတုမဏိကိုကြည့်ကာ မျက်ဝန်းတွေမှာ အသူရာချောက်နက်နှယ်မည်းမှောင်နက်ရှိုင်းနေခဲ့သည် ။
" ဧည့်ဝတ်သိပ်ကျေတာပဲ ။ ဟမ့် "
နှိုင်းတုမဏိဘာစကားမှခွန်းတုန့်ပြန်မတော့ပဲ ကလေးတွေ၏ကိစ္စအထွေထွေအားဦးစွာလုပ်ကိုင်လေသည် ။
" အကိုအဂ္ဂ ကျွန်တော်ပြောစရာရှိတယ် "
" ငါအိပ်ချင်နေပြီ "
" ... "
စောင်ကိုရင်ဝအထိဆွဲတင်ကာ မျက်စိတွေမှိတ်လိုက်သောထိုလူကြောင့် နှိုင်းတုမဏိ ဘာဆက်ပြောရမယ်မှန်းမသိတော့ချေ ။
YOU ARE READING
My Bad Husband
RomanceSeme is Asshole! Abuse Type ဖြစ်တာကြောင့် အနိုင်ကျင့်ခြင်း ကြမ်းတမ်းသောစကားတွေနှင့် Adult Scenes တွေပါတာကြောင့် အဆင်ပြေမှဖတ်ပါရှင့်။ || Complete ||
