ဆေးရုံဆင်းတဲ့အခါပြသနာမှစတင်၏။ လွမ်းအဂ္ဂညို ကလေးနှစ်ယောက်အားထည့်ပေးရန် ငြင်းဆန်လေသည်။
" ကလေးတွေက ကျွန်တော်မပါပဲအိပ်တက်တာမဟုတ်ဘူး "
" ငါကလဲ ကလေးတွေကိုပြန်မထည့်ပေးနိုင်ဘူး ။ မင်းပြောကြည့် ဘာဆက်လုပ်ကြမလဲ "
လွမ်းအဂ္ဂညို ဝှီးလ်ချဲပေါ်ထိုင်နေရင်း မျက်မှောင်ကြုတ်လို့ဆိုလေသည်။ သူ၏ပုံစံမှာ အလွန်ကိုတည်ငြိမ်ကာ ပုံမှန်လူတစ်ယောက်နှယ် ။
" ခင်ဗျား ဒီလိုလုပ်လို့ မရဘူးလေ "
" ဘာလို့ လုပ်လို့မရ ရမှာလဲ "
နှိုင်းတုမဏိ ဒေါသကြောင့် အနည်းငယ်လေသံတင်းမာလာလေသည်။ ထိုပုံစံမှာ အစွယ်သေးသေးလေး ကိုထုတ်ပြလို့ ကိုက်တက်ပါကြောင်းခြိမ်းခြောက်နေသည့် ကြောင်ပေါက်နေနှင့်တူသည်။
လွမ်းအဂ္ဂညို၏ နှုတ်ခမ်းထောင့်စွန်းတွေမှာမသိမသာကော့တက်သွားကာ နားထင်ထောင့်စွန်းအား လက်ညှိုးထိပ်ဖြင့် အသာကုတ်ခြစ်ရင်းဆိုလေသည်။
" ကလေးတွေကလဲမင်းမပါရင် မအိပ်တက်သလို ။ ငါကလဲ ကလေးတွေမရှိပဲမနေနိုင်ဘူး ဒါဆိုရင် မင်းလဲငါနဲ့လာအိပ်လိုက်လေ... "
စာရွက်စာတမ်းအချို့ ကိုင်ဆောင်ရင်းအခန်းတွင်းဝင်လာတဲ့မြင့်မြတ်သူမှာ ထိုစကားအားကြားမိတာနှင့် အလျင်အမြန်ပြန်ပြေးထွက်ကာ နားနှစ်ဖက်အားအုပ်ထားလိုက်မိသည် ။
" ပေါက်ကရတွေ မပြောပါနဲ့ အကိုအဂ္ဂ ။ ခင်ဗျားက စည်းကမ်းကိုမရှိဘူး "
" အိပ်ဖို့ကိစ္စမှာ ဘာစည်းကမ်းလိုနေအုံးမှာလဲ "
လွမ်းအဂ္ဂညို၏ အစီစဥ်မှာလွန်စွာခိုင်မာလေသည်။ အငြင်းအခုန်ပြုနေကြသည်မှာ အချိန်အတော်ကြာပင် ။
နောက်ဆုံးမှာတော့ တစ်အိမ်တည်းစုနေကြဖို့သာ ဆုံးဖြတ်ချက်ချလိုက်ကြရသည်။
မြင့်မြတ်သူ၏ ထင်သားပဲ ဟူသောအကြည့်တွေကြောင့် နှိုင်းတုမဏိ၏မျက်နှာမှာရှက်ဝဲဝဲလေးဖြစ်သွားလေသည် ။
YOU ARE READING
My Bad Husband
RomanceSeme is Asshole! Abuse Type ဖြစ်တာကြောင့် အနိုင်ကျင့်ခြင်း ကြမ်းတမ်းသောစကားတွေနှင့် Adult Scenes တွေပါတာကြောင့် အဆင်ပြေမှဖတ်ပါရှင့်။ || Complete ||
