လုပ်ငန်းစတင်လည်ပတ်တာနှင့် မဏိမှာမအားလပ်တော့ချေ ။ အမြွှာလေးတွေအား မူကြိုပို့ရန်အတွက် မနက်တိုင်းစစ်ခင်းရသေးသည်။
" ပန်းရောင်ကြီး တားမဝတ်ချင်ဘူးရို့"
" အဲ့တာမှ ရီရီနဲ့ ဝမ်းဆက်ဖြစ်မှာလေသားရဲ့ ... "
အမြဲတမ်းအဝတ်အစားဝတ်လျှင်လည်း ရန်သတ်ကြသေးသည် ။ အလိုလိုက်ခံရလွန်းတာကြောင့် အမြွှာလေးတွေမှာ မဏိကိုသာအသက်ရှိသည်ဟုထင်ကြလေသည် ။
" ကဲ ဖေဖေဆိုင်ပြေးရအုံးမှာနော် နောက်ကျရင် ဖေဖေလိုက်မပို့တော့ဘူး"
အပြေးအလွှားလေးရောက်လာလို့ နှစ်ယောက်သားမှာ မျက်နှာငယ်လေးတွေဖြင့်သာ။
နှိုင်းတုမဏိကားမောင်းသင်နေဆဲမို့လောလောဆယ်အထိ ဒရိုက်ဘာဖြင့်သာကားအကြိုပို့လုပ်နေရသေးသည်။
ကလေးတွေအားမည်သူနှင့်မှစိတ်မချတာကြောင့် သူကိုယ်တိုင်သာ အပို့အကြိုတွင် လိုက်ပါပေးလေသည် ။
မူကြိုကျောင်းရှေ့ရောက်တာနှင့် အမြွှာလေးတွေအားဆရာမဆီအပ်လို့အနမ်းခြွေကာ အထဲထိရောက်တာကိုကြည့်ပြီးမှ မဏိဆိုင်ရှိရာကားမောင်းစေသည်။
" မဏိ ဆိုင်မှာတစ်ခုခုဖြစ်နေတာထင်တယ် ... "
နှိုင်းတုမဏိ မျက်မှောင်ကြုတ်လို့ကြည့်လိုက်စဥ် လုံခြုံရေးတွေနှင့် လွမ်းအဂ္ဂညိုသာဖြစ်ချေသည် ။
" ဘာတွေဖြစ်နေကြတာလဲ ... "
" မဏိ မင်းဘာလို့ ဒီရောက်နေတာကိုမပြောရတာလဲ ကိုယ့်မှာတော့ရှာလိုက်ရတာ ... "
လွမ်းအဂ္ဂညို ခြေလှမ်းတွေရှေ့တိုးလာပေမဲ့ နှိုင်းတုမဏိ အရင်လိုနောက်ဆုတ်ခြင်းမပြု ။
သန်မာသောလက်မှာ သူ့အားထိမည်ပြုတာနှင့်ပြင်းထန်စွာပုတ်ရိုက်ချလိုက်သည်။
" ဘာဆိုင်လို့ပြောရမှာလဲ ။ ကျွန်တော့်မိဘအိမ် ကျွန်တော်ပြန်လာတာ ခင်ဗျားဆီဘာကိစ္စနဲ့ ခွင့်တောင်းနေရမှာလဲ "
" မင်း ဘာဖြစ်နေတာလဲ နှိုင်းတုမဏိ"
လွမ်းအဂ္ဂညိုမှာတည်ငြိမ်မှုတွေပျက်ပြားနေသော်လည်း ဆန့်ကျင်ဘက်ပင်နှိုင်းတုမဏိမှာတည်ငြိမ်နေ၏။
YOU ARE READING
My Bad Husband
RomanceSeme is Asshole! Abuse Type ဖြစ်တာကြောင့် အနိုင်ကျင့်ခြင်း ကြမ်းတမ်းသောစကားတွေနှင့် Adult Scenes တွေပါတာကြောင့် အဆင်ပြေမှဖတ်ပါရှင့်။ || Complete ||
