" သူဌေး မနက်ဖြန် ဆေးရုံ Check -Up ပြန်ရမဲ့ရက်နော် "
" အင်း စီစဥ်ထားလိုက် "
ဆေးရုံသွားရမည်ဆိုတဲ့အသံကြားတာနှင့် အလုပ်ပုံထဲခေါင်းနစ်နေသော နှိုင်းတုမဏိမှာ ခေါင်းလေးထောင်လာ၏။
သေးသေးမွှားမွှားလေးတွေကြည့်ရတဲ့အခါ တပ်သည့်မျက်မှန်အဝိုင်းလေးမှာနှာဖျားထိပ်လေးအထိလျှောကျနေကာ အဖိုးကြီးပေါက်စလေးနှင့်တူသည်။
လွမ်းအဂ္ဂညိုထိုပုံစံလေးအားကြည့်ကာ ရင်ခွင်ထဲထည့်ဖက်ကာအဆုံးအစမရှိသောမွတ်သိပ်သည့်အနမ်းများပေးချင်မိသည် ။
နူးညံ့သောအရာတွေမှာ လှပကာထိန်းသိမ်းရခက်သည့်အလျောက်ပင် ကိုင်တွယ်ရသိပ်ခက်၏။
သူ၏အလှပဂေးလေးမှာ အဖိုးတန်ကျောက်မြတ်ရတနာလေးလိုပင်။ ကျောက်ရိုင်းတစ်တုံးမှနေ အဖိုးတန်ကျောက်စိမ်းဖြစ်လာခဲ့သလိုမျိုး တဆင့်ချင်းမြတ်နိုးမှုတို့သည် ရင်တွင်းမှနေဒီရေလို တလိမ့်လိမ့်တက်လာခဲ့ရသည်။
" အကိုအဂ္ဂ ဆေးသွားပြရင် ကျွန်တော်လဲလိုက်ခဲ့မယ်လေ "
" ဘာလိုက်လုပ်ချင်လို့လဲ "
" ရလာဒ်တွေသိချင်လို့လေ "
နှိုင်းတုမဏိ၏မျက်မှန်မှာမချွတ်ရသေးတာကြောင့် နှာရိုးနုနုလေးမှာအနည်းငယ်နာကျင်လာတာကြောင့် လက်ညှိုးလက်မသုံးကာ ဖိညှစ်လိုက်မိသည် ။
လွမ်းအဂ္ဂညို ဝှီးချဲလ်အား ဘက်လှည့်လို့ သူ့ပေါင်ပေါ်လက်ပုတ်ပြကာ
" ကိုယ့်ပေါ်လာထိုင် "
နှိုင်းတုမဏိ နားမလည်သလိုဟန်ဖြင့် မျက်ဝန်ပြာလေးတွေ မှာအနည်းငယ်ဝိုင်းစက်သွားချေသည် ။
" အို့... ဘုရာ့! "
လွမ်းအဂ္ဂညိုစိတ်မရှည်ဟန်ဖြင့် လက်ကောက်ဝတ်အားဆွဲကာ ပေါင်ပေါ်ထိုင်စေကာ မျက်မှန်အားဆွဲချွတ်လို့နှာတံဖြောင့်ဖြောင့်အား နှိပ်နယ်ပေးလေသည် ။
အားအသင့်တင့်ဖြင့်နှိပ်နယ်မှုကြောင့် နှာရိုးလေးမှာ ကိုက်ခဲမှုသက်သာလာကာ ခံစားချက်လေးမှာကောင်းမွန်တာကြောင့်နှိုင်းတုမဏိ ငိုက်မြည်းလုနီးပါပင် ။
VOUS LISEZ
My Bad Husband
Roman d'amourSeme is Asshole! Abuse Type ဖြစ်တာကြောင့် အနိုင်ကျင့်ခြင်း ကြမ်းတမ်းသောစကားတွေနှင့် Adult Scenes တွေပါတာကြောင့် အဆင်ပြေမှဖတ်ပါရှင့်။ || Complete ||
