နှိုင်းတုမဏိမှာ အစာအိမ်ပါ အထက်အောက်လှန်မတက်အန်ပြီးသည်နှင့် လူမှာပို၍ ပို၍ဖြူဖျော့သွားခဲ့သည် ။
" ဆေးတွေ ခဏနေပါအုံး ။ သားထပ်အန်ချင်နေသေးတယ် "
" ဆေးတွေကြောင့် ဒီလောက်တောင့်ခံနိုင်တာလေ ခဏနေပြီးတာနဲ့ သောက်လိုက်တော့ ... "
တိုင်းရင်းဆေး၏ ဆိုးကျိုးမှာ အနံ့အသက်ပင်ဖြစ်ချေသည် ။ စူးရွားလွန်းသောအနံ့အသက်တွေက မဏိအတွက် ခြောက်ခြားစရာပင်ကောင်းလွန်းလှသည် ။
မယ်မယ်ကြီး၏ အမိန့်တွေကြောင့်မလွန်ဆန်နိုင်လို့သောက်ပြီးတိုင်း လည်ချောင်းတစ်ဝက်ရောက်တာနှင့် အနံ့တွေကြောင့် အန်ထုတ်ရစမြဲပင်။
" မဏိလေး စားလိုက်အုံးနော် "
ကြွေပန်းချပ်ထဲ နီနီရဲရဲအသီးလေးတွေမှာ ရေစင်အောင်ဆေးကြောထားတာကြောင့် လတ်ဆတ်ကာ သန့်ရှင်းနေ၏။
" ဘကြီးကို ဒေါ်ဒေါ်သွားထပ်ဝယ်ခိုင်းထားတာပါ ... မယ်မယ်ကြီးမမြင်ခင်သွက်သွက်လေးစားလိုက်နော် "
အာလုတ်ကျင်းပြီးတာနှင့် စတော်ဘယ်ရီသီးလေးအားအညှာမှကိုင်လို့ သွားဖြင့်ဖိကိုက်လိုက်တာနှင့် ချိုချဥ်လတ်ဆတ်သောအရသာလေးမှာ ခံတွင်းထဲပျော်မွေ့စွာပင်။
အချိန်တိုတွင်းမှာပင် စတော်ဘယ်ရီသီးတစ်ကန်းကန်မှာ ကုန်စင်သွားခဲ့သည်။ ဝမ်းဗိုက်မှာလည်းအတန်သင့်လက်ခံ၏။
အသီးရှိန်ကြောင့် နှိုင်းတုမဏိ၏ နှုတ်ခမ်းပါးလေးတွေမှာနီရဲလို့နေသည်။
" မဏိ ... ဒေါ်ဒေါ်သားကိုတစ်ခုလောက်ပြောချင်လို့ရယ် "
" ပြောလေ ဒေါ်ဒေါ်ရဲ့ "
" မောင်ဝဏ္ဏကျော်စွာက သားနဲ့လက်ထပ်ဖို့ မယ်မယ်ကြီးဆီ ခွင့်တောင်းနေသံကြားတယ် "
နှိုင်းတုမဏိမှာ ဝမ်းဗိုက်ဆီလက်ဖဝါးတင်ရင်း အဝေးသို့ငေးကြည့်နေ၏။ အတိတ်တွေမှာ ကျကွဲသွားသောဖန်ပုလင်းလေးနဲ့တူ၏။
အက်ကွဲရာအထင်းသားတွေနှင့် ။ လွှတ်ချလိုက်လျှင် အစိပ်စိပ်အမွှာမွှာကွဲလို့ ဖမ်းဆုပ်လိုက်လျှင်လည်း နာကျင်ရမည်ဖြစ်သည် ။
YOU ARE READING
My Bad Husband
RomanceSeme is Asshole! Abuse Type ဖြစ်တာကြောင့် အနိုင်ကျင့်ခြင်း ကြမ်းတမ်းသောစကားတွေနှင့် Adult Scenes တွေပါတာကြောင့် အဆင်ပြေမှဖတ်ပါရှင့်။ || Complete ||
