🔥ទាសករក្នុងភ្នក់ភ្លើង🔥 ( ចប់ )

ភាគ៤០: ចាក់ដោត

ថេហ្យុងចុះមកដល់ខាងក្រោមដើម្បីមកញ៉ាំអាហារពេលល្ងាច។ ជួនជាពេលនោះ មានសៀម៉ីនិងអាល្អិតដែលអង្គុយលើកៅអីរងចាំគេរួចជា
ស្រេច គេមិនគិតច្រើន ដើរចូលអង្គុយជាមួយគ្នាតែម្តងទៅ។

''ថេ! ខ្ញុំមានរឿងចង់សួរលោក''
''យើងឃ្លាន''
''ខ្ញុំអាចសួរចៅហ្វាយបានទេ?''សៀម៉ី
''អូខេ''អាល្អិតឮហើយធ្លាក់ទឹកមុខស្រឹប។ ពេលគេចង់សួរថាឃ្លាន ពេលសៀម៉ីចង់សួរបែរជាព្រមឲ្យនាងសួរ មិនចង់និយាយជាមួយគ្នាដល់ថ្នាក់ហ្នឹងមែនទេ?

''ខ្ញុំមិនយល់ហេតុអីចៅហ្វាយឲ្យគេទៅយកខ្ញុំមកទីនេះ ខ្ញុំធ្វើការនៅទីនោះសុខៗ មិចបានចៅហ្វាយឲ្យខ្ញុំមកទីនេះចឹង? ចៅហ្វាយអាចប្រាប់មូលហេតុមកខ្ញុំបន្តិចបានទេ?''

''ខ្វាងស៊ុកមិនទាន់និយាយប្រាប់នាងទេហេ៎ស?''
''ចា៎នៅទេ''នាងកុហក ដើម្បីចង់ដឹងពីមូលហេតុពិតប្រាកដតែប៉ុណ្ណោះ។

''ទីនេះខ្វះអ្នកបម្រើ ទើបយើងបញ្ឃប់នាងដើម្បី
ឲ្យមកធ្វើការនៅទីនេះ ថ្ងៃស្អែកនាងក៏មិនបាច់ទៅធ្វើការទីនោះទៀតដែរ រឿងបន្ទប់ស្នាក់យើងនិងឲ្យយូមីចាត់ការឲ្យនាង''

''គាត់រៀបចំឲ្យខ្ញុំរួចហើយ ចុះជុងគុគនោះ គេទៅធ្វើការទីនោះទៀតទេ? បើសិនគេនៅតែធ្វើការទីនោះ ខ្ញុំសុំអនុញ្ញាតពីចៅហ្វាយទៅធ្វើការទីនោះដូចគេដែរ''

''មិនបាច់ទេ ពួកឯងត្រូវនៅទីនេះតែប៉ុណ្ណោះ អ្នក
ណាក៏មិនអាចទៅធ្វើការឯណាបានដែរ បើសិនជាគ្មានបញ្ជាពីយើង''

''ចុះលីណា? នាងមានឋានៈអីនៅក្នុងផ្ទះនេះ?''អាល្អិតសួរទៅគេទាំងអួលដើមក រលីងរលោងទឹក
ភ្នែកស្ទើរចេញមកក្រៅ តែខំទប់ ដើម្បីកុំឲ្យនាយឃើញ បើនាយឃើញ នាយអាចនឹងខឹង។

''ដូចដែលនាងប្រាប់ឯងពេលចូលផ្ទះនោះឯង''
''ហេតុអីទៅ? ហេតុអីលោកលើកដំកើននាងជាប្រពន្ធ នាងល្អត្រង់ណាទៅ នាងជាស្រីពិសពុលណាស់ ល្បិចកលក៏ច្រើន លោកមិនគួរយកនាងធ្វើប្រពន្ធទេ''

''រឿងយើង មិនទាក់ទងនិងឯងទេ''
''ចុះអ្នកនាងជីណាសង្សារលោកនោះ លោកទុកនាងត្រង់ណា បើនាងដឹង នាងច្បាស់ជាខូចចិត្ត សង្សារដែលខ្លួនឯងស្រឡាញ់ ទៅយកស្រីពិស
ពុលមកពីណាក៏មិនដឹង លើកដំកើនធ្វើជាប្រពន្ធ''