فهد والصدمة تعتلى وجهه.: انت قصدك ان حسن هو الطرف التالت لصبرى وابنه ثم اكمل فهد بجدية : ازاى انا مش فاهم حاجه.. حسن راجل عمر ماصدر منه اى حاجه وحشه ولا حاجه حتى تخلينى اشك فيه وما اظنش انه بيسرب اسرار شغلنا لحد.. ولا صبرى ولا ابنه لو كانوا يعرفوا حاجه ماكنوش استنوا وكانوا عملوا زى ما بنعمل.. ثم هز رأسه نافياً وقال: لا لا لا مستحيل يكون حسن شغال معه
مراد: مش حسن لا بنت اخوه..
قطب فهد جبينه وقال: يعنى بنت اخوه بتاخذ منه معلومات عننا وتقولها لياسر... بس ازاي دول حتي فاكرين اننا تجار سلاح زيهم ومايعرفوش حاجه.. لا لا اكيد في حاجه غلط
مراد: اهدى بس واسمعنى.. ثم قص عليه كل ما قاله سعد...
فهد بغضب : ياسر ده تعبان هو وابوه... ثم اكمل: وانت بقا ناوى تعمل ايه..
نظر له مراد نظرة شيطانية وابتسم..
فهد بخوف وقلق من تلك النظرة: اوعي تقولي هتقتل البت.
مراد باستنكار: اقتل ايه شايفنى سفاح
فهد: اومال
مراد وقد اسند رأسه إلى الوراء: هوجع ياسر واكسره وهخليه يموت الف مره.
فهد بشك: هتعمل ايه؟
مراد: هتجوز.
فهد وقد فهم انه سيتزوج من تلك الفتاة كى يكسر ياسر وهو يعلم انه سينتقم من ياسر فى تلك الفتاة ولكنه يريد ان يرده عن ما سيفعله..
فهد باندفاع: مراد انت بتهزر صح.
مراد بابتسامة ساخرة وبرود: هتشهد على كتب كتاب ابن عمك ولا اخلى سعد يحضر بطاقته.
فهد بعصبيةوغضب: مراد بلاش ندخل ناس مالهومش ذنب فى اللى بينا وبين ياسر البت مالهاش ذنب.
مراد ببرود: انا مش بدخل لا حد ولا سبت ياسر حبها واكتر حاجه هتوجعه ان اللي بيحبها يبقى عارف انها كل يوم في حضنى وانها على ذمتى انا هنتقم من ياسر فيها
فهد وقد وقف من مكانه وتحدث بغضب وعصبية: انت اتجننت يا مراد البت مالهاش اى علاقه بكل ده ذنبها ايه..
مراد ببرود: ذنبها ان ياسر حبها لو ماكنش حبها ماكنتش هعمل حاجه... ثم قال بسخرية: بس تقول ايه بقا القلب ومايريد..
فهد بعصبية: ايه اللي انت بتقوله ده يا مراد هتاخد حقك فى بنت مالهاش ذنب كل ذنبها الوحيد ان الزمن وقعها فى ايد ياسر..
مراد بنفس البرود: هو انا هموتها ده انا هتجوزها واعرفها حقيقه ياسر واهو احميها منه
فهد بعصبية وسخرية : لا يا شيخ كلامك مؤثر دمعتى فرت ثم اكمل بغضب: هو انت مقتنع باللى عاوز تعمله عاوز تأذى وتظلم يا مراد بعد ما دوقنا الظلم عاوز تتدوقه للناس..
مراد ببرود: اه لو هي الشوكة اللي هتكسر ياسر عندي استعداد مش أذيها بس لا ادوس عليها بجذمتى..
أنت تقرأ
عُذرًا فقد اِمتلكها الشيطان
De Todoهل هو حقًا شيطان..؟! هل هو بالفعل بمثل هذا السوء الذى وُصف به؟!.. ولكن لما أراه عكس ما قالوا..؟! كل هذا دار بخاطرها.. لما نظرتْ له عكس ما يراه النااس؟.. لما أقسمتْ أن بداخله قلبًا من ذهب؟.. قلبه صار يزحف إليها ببطء.. طُرحت فى نفسه أسئلة قادته للج...
