عُذرًا فقد اِمتلكها الشيطان

الفصل العاشر

جلست تلك الفتاتان على شاطىء البحر يتناولان بعض الشطائر وكل هذا تحت مزاح ريتال المستمر مع تارا..

تارا بغضب: يا ريتال انتي بجد ليكي خُلق تهزرى..

ريتال بحزن ظهر بنبرة صوتها: طيب زعلت وعيط هاا وبعدين ايه الفايدة.. هي معادلة اوافق عمي هيطلع منها مش هوافق عمي هيتحبس عاوانى أفكر فى ايه.. يا تارا عمي ده اللي فتحت الدنيا لقيته قدامى عاملنى أكتر من بنته عايزة يبقا ردى للجميل أنقذ نفسي واسيبه هو

تارا بغضب: لا كنتي سبتينى عليه وانا كنت فتحت نفوخه..

ريتال بإستهزاء: يا شيخه وهو هيسيبك تفتحى نفوخه.. ثم أردفت بجدية: تارا انا خلاص وافقت عليه ومش عاوزاكى تفتحى الموضوع ده تاني

كادت ان تتحدث تارا ولكن أوقفتها ريتال: تارا خلاص انا معنديش حل تانى ثم أكملت مازحة: وبعدين هو انا هتجوز أى حد ده انا هبقي حرم الشيطان المصون

تارا: انتي بتهزرى صح ثم أردفت: مش جديده عليكي يا ريتال تسفهى من اى مشكله بتقعى فيها علشان ما تشيليش حد مشاكلك.. لكن انا عارفاكى كويس يا ريتال انتي بتعملي كده علشان انا ما ازعلش وتبينيلى أن الموضوع مش وجعك

ريتال بإبتسامة مرح: يا واااد يا نبيه انت.. ثم أكملت محاولة تغير الموضوع: خلصى أكل يلا خلينا نروح علشان المعلم عندك لو عرف اننا ماروحناش الكلية هيعلقنى انا وانتي على باب القهوة

تنهّدت تارا وهزت رأسها إيماءًا يالموافقة وشرعا فى تناول الشطائر وهما ينظران إلى، البحر..

نظرت ريتال لتارا وقالت فى نفسها: يمكن تكوني صح يا تارا بس غصب عني.. سامحينى علشان المرة دي مش هشاركك وجعى لانى لو شاركته معاكي هتتهورى والشيطان ده ممكن يعمل فيكي حاجه ساعتها مش هسامح نفسي.. مش انتي بس اللي عارفانى انا كمان عارفاكى وعارفة تهورك لما حد بيعملى حاجه.. سامحينى، بس ده علشان عاوزه احافظ عليكي...

.......: مش معقول ريتااال

نظرت ريتال لمن تتحدث فوجدتها مريم كانت زميلتها فى الدورة التدريبة للغة الإيطالية ولكن مريم لم تكمل تلك الدورة وخرجت..

ريتال بإبتسامة مجاملة: مريومة عاملة ايه

نظرت لها تارا بغضب مكتوم وقالت: مريوومة

ريتال: قصدي مريم.. احم احم نسيت

تارا بنفس الغضب: نسيتى

ريتال حاولت لمّ الموضوع وقالت لمريم: انتي ايه اخبارك
مريم بإبتسامة: انا الحمدلله بخير.. الصراحة ما اتوقعتش اشوفك تاني

تارا بقرف: واما انتي ما توقعتيش شوفتيها ليه

ريتال: تارا صاحبتى.. البست فرند بتاعتى..

مريم بإبتسامة مجاملة: اهلا بيكي تشرفنا

تارا بقرف: اهلا

لاحظت مريم تعبيرات تارا ولكن ريتال سرعان ما استدركت الموقف فقالت بمرح: معلش يا مريم أصل أنا وتارا لسا متخانقين.. عشان كده هى نرفوزة شوية