عُذرًا فقد اِمتلكها الشيطان

الفصل الثاني عشر

صرخ ياسر بغضب فى احد رجاله وهو المُكلف بمراقبه ريتال متحدثًا معه على الهاتف..

ياسر بغضب: انت بتقول ايه يا بنى آدم يعني ايه عندها في البيت

...: يا ياسر بيه انا شايفه بعينى وهو طالع مع فهد

ياسر: من امتى وهو عندها

...: من شويه

ياسر بعصبيه: تفضل واقف تحت ولو حصل اى حاجه كلمني وانا مسافة السكة..

خرج ياسر من قصره بغضب.. إرتجل سيارته وساقها بأقصى سرعة إلى بيت ريتال..

..........................................................................................................

هب حسن واقفًا يصيح فيه بغضب: تتجوزها ايه انت اتجننت..

مراد: أهدى يا أستاذ حسن واسمعنى للأخر.

حسن بعصبيه: لا اسمعنى انت.. انا بنت اخويا اعرف احميها كويس.. ثم وجه نظره لفهد وقال: ما تتكلم يا فهد بيه وتقول حاجه لقريبك

فهد: يا أستاذ حسن مراد معاه حق في كل كلمه قالها..

حسن بعصبيه: وانت بتشهدله يعني

فهد: مش بشهدله والله بس انا مش محتاج أقولك مين الشيطان بنت اخوك لو بقت مراته محدش يقدر يقربلها

حسن بعصبيه: والله انا مش عاجز عن حماية بت اخويا عشان اجوزها لحد يحميها..

مراد: محدش قال كده يا استاذ حسن بس ياسر بالذات محدش بيعرف يقفله إلا انا

حسن بغضب: والله تقفله تقعدله... ريتال مالهاش دعوه بكل ده مش هتدخل هي في كل ده

مراد: هي كده كده دخلت يا استاذ حسن واتورطت معاه وبقت قدام البوليس مشتركة معاه في كل حاجه عملها

جلس حسن بصدمة وأردف: ايه اللي انت بتقوله ده؟!

مراد: اومال حضرتك فاكر ايه..

حسن بصدمة: يعني ايه ريتال ضاعت

مراد: لا ماضعتش ولا حاجه لو حضرتك وافقت..

قاطعه حسن بغضب: اوافق على اييييه مستحيل أجوزهالك ده لو اطبقت السما على الأرض.. يعني انا ما صدقت بعدنا عن ياسر أقوم أديها للشيطان

مراد: مش احسن من تاجر سلاح

حسن بغضب وسخرية: وانت اللي بسم الله ماشاء الله بتبيع سبح.

مراد: بس مش تاجر سلاح وبعدين اختيار عن اختيار يفرق..

حسن بغضب: الاختيارين أسود من بعض واحد تاجر سلاح زى ما بتقول والتانى الشيطان اللى القتل عنده زى شرب الماية ثم أردف محتدًا: انت عارف لو علي موتى مش هجوزهلك..

مراد ساخرًا: واما انت عارف الشيطان اشتغلت في شركته ليه..

حسن بغضب: حكم القوي.. اضطريت، وياريتنى ما اشتغلت فيها..