Author: Gong Zi Yu Ge
ရှန်ကျင်းထျန်ရိုက်ကူးရတဲ့အခန်းတွေကတစ်နေ့တာလုံးကြာမြင့်တယ်။ ရိုက်ကူးရေးကညမှာပြီးဆုံးသွားပြီးလူတိုင်းကမောပန်းနေကြတယ်။ ညမှာတော့ရိုက်ကူးရေးမရှိဘူးဖြစ်တယ်။
ပိုင်ချင်းကွမ်ကအရမ်းပင်ပန်းနေပေမဲ့လည်း သူကသူ့ဖန်တွေကိုနှုတ်ဆက်ဖို့သွားနေခဲ့သေးတယ်။
"ကော ကျွန်မတို့တစ်နေ့ကုန်ကောကိုစောင့်နေကြတာ"
သူတို့ကောထွက်လာတာကိုလွတ်သွားမှာစိုးလို့သူတို့အများစုကဘာအစားအစာမပြောနဲ့ရေတောင်မသောက်ခဲ့ကြဘူး။
ပိုင်ချင်းကွမ်ကပြုံးပြရင်းပြောလိုက်တယ်။
"အားလုံးအလုပ်ကြိုးစားခဲ့ကြပါတယ်"
"ကော ရုပ်ရှင်ရိုက်ရတာကအရမ်းခက်ခဲတာဘဲ!"
"ဒါကကောအတွက်ကျွန်မတို့ယူလာတဲ့လက်ဆောင်!"
"ကော ကျွန်မအတွက်လက်မှတ်ထိုးပေးလို့ရမလား?"
ကောင်မငယ်လေးအုပ်စုကစိတ်လှုပ်ရှားမှုနဲ့အတူအော်ဟစ်အားပေးနေကြတယ်။ အဲ့ဒီနားကနေရှန်ကျင်းထျန်စီးလာတဲ့ကားကဖြတ်သွားခဲ့တယ်။ ညလယ်ကြီးမှာပိုင်ချင်းကွမ်ကသူ့ဖန်တွေနဲ့ဓာတ်ပုံတွဲရိုက်နေရင်းသူ့ဖန်တွေကိုစိတ်ရှည်ညင်သာစွာဆက်ဆံနေတာကိုကားပြတင်းပေါက်နေသူကြည့်နေမိတယ်။
အဲ့ဒါကကြီးကျယ်ခမ်းနားလိုက်တာ
မဒမ်ရန်:"မင်းဘယ်မှာနေတာလဲဆိုတာပြောဦးလေ ငါတို့မင်းကိုလိုက်ပို့ပေးမယ်"
ရန်ယောင်ရွှမ်းကမေးလိုက်တယ်။
"မင်းတစ်ခုခုစားချင်တလား?"
မဒမ်ရန်:"ငါပြောချင်တာကငါတို့မင်းကိုညစာစားပြီးမှလိုက်ပို့ပေးမယ်လေ ငါတို့ဒါရိုက်တာကောင်းနဲ့အခြားလူတွေကိုချိန်းထားတယ် သီးသန့်အခန်းကိုတောင်ကြိုတင်မှာယူထားပြီးပြီ အဲ့ဒါကြောင့်ပြန်ဖျက်လို့မရတော့ဘူး"
သူမကသူ့အတွက်လမ်းဖောက်ပေးနေတယ်ဆိုတာရှန်ကျင်းထျန်သိတယ်။ သူကအနုပညာနယ်ပယ်ထဲမှာအကြာကြီးတစ်ကိုယ်တည်းရပ်တည်နေရတယ်။ ဒါကအခြားလူတွေရဲ့ကာကွယ်ပေးမှုကြောင့်ပျော်ရွှင်မှုကိုခံစားရတာပထမဆုံးအကြိမ်ဖြစ်တယ်။ သူအရမ်းစိတ်လှုပ်ရှားသွားခဲ့တယ်။
YOU ARE READING
မင်းရဲ့အချစ်ပြိုင်ဘက်ကနေ့တိုင်းလှလှလာတယ်(Translation )
Humorကြီးမားတဲ့ပြောင်းလဲမှုတွေနဲ့ ပိုပြီးကြီးမားတဲ့လှည့်ကွက်တွေ ဇာတ်ကြောင်းတစ်ခုထဲက နောက်ထပ်ဇာတ်ကြောင်းတစ်ခု သူဟာပိုပြီးလှလာဖို့ ပိုပြီးဆွဲဆောင်မှုရှိလာဖို့ နည်းလမ်းကိုရှာတွေ့သွားပြီ ရှန်ကျင်းထျန်ဟာ သူဖတ်နေတဲ့စာအုပ်ထဲကိုကူးပြောင်းသွားဖို့ ကူညီပေးတဲ့syst...
