Author: 公子于歌 / Gong Zi Yu Ge
Chapter 90: Superstar Style
“ရိုက်ဖို့အသင့်ပြင် စက်အဖွဲ့တွေအကုန်နေရာမှာရှိပြီ၊ သုံး နှစ် တစ် အက်ရှင်!"
ရွေ့လျားနေတဲ့ကင်မရာက တဖြည်းဖြည်း မြင့်တက်လာပြီး နေလုံးကြီးဆီဦးတည်နေတယ်။ လေယာဥ်မှုးဝတ်စုံနဲ့လူငယ်တစ်စုက ညီညီညာညာရပ်နေကြတယ်။ သူတို့ရှေ့မှာ စစ်တပ်ဝတ်စုံနဲ့လူလတ်ပိုင်းယောကျ်ားက ခါးပေါ်လက်နှစ်ဖက်တင်ထားရင်း
"ဒီနေ့က မင်းတို့စစ်မြေပြက်ထဲဝင်ရောက်ရမဲ့နေ့ဘဲ၊ တရုတ်ပြည်ရဲ့မျက်လုံးတွေအားလုံးက မင်းတို့ကိုစောင့်ကြည့်နေကြတာ၊ မြင့်မြင့်ပျံသန်းသွားပြီး အဲ့ဒီဂျပန်တွေကိုခြေမွပစ်လိုက်စမ်းပါ၊ ပြီးရင်ငါ့ဆီကိုဘေးကင်းကင်းနဲ့ပြန်လာခဲ့ကြ၊ လေတပ်မှုး......"
လေတပ်မှုးလျိုဂန်းက ရှေ့တိုးလာတယ်။
"ရှိ!"
“ငါမင်းနဲ့ဒီထူးချွန်တဲ့တပ်ဖွဲ့ကိုယုံကြည်တယ်၊ မှတ်ထားပါ၊ မင်းတို့ရဲ့အသက်တွေကလေယာဥ်တွေထက်ပိုပြီးအရေးကြီးတာကို၊ ငါတို့လူတိုင်းကိုဘေးကင်းကင်းနဲ့ပြန်ခေါ်လာရမယ်!"
“ဟုတ်ကဲ့ပါ!”
လူတိုင်းက သူတို့ကိုယ်ပိုင်တိုက်လေယာဥ်တွေဆီသွားခဲ့ကြတယ်။ ချန်ကျန့်က လူငယ်လေးတစ်ယောက်ကိုအမှီလိုက်ဖို့ခြေလှမ်းကြဲကြဲနဲ့လျှောက်လှမ်းလာတယ်။
"ယဲ့ဝမ်!"
ယဲ့ဝမ်ကလှည့်ကြည့်လာရင်းပြုံးလိုက်ကာ
"နောက်ဆုံးတော့ငါတို့ တိုက်ပွဲဝင်ရတော့မယ်"
“အခုလေးတင် နည်းပြပြောလိုက်တာကိုကြားတယ်မလား?"
ယဲ့ဝမ်နဲ့သူက အသက်တူတူဘဲဖြစ်ပြီး ၂၀ရှိပြီဖြစ်တယ်။ အဲ့ဒါကြောင့်ဘဲ သူတို့ကအဖွဲ့ထဲမှာ အကောင်းဆုံးဆက်ဆံရေးရှိကြတယ်။ ချန်ကျန့်ကတည်ငြိမ်ပြီး ယဲ့ဝမ်ရဲ့စရိုက်ကတော့ တဇောက်ကန်းဖြစ်တယ်။ သူကဘယ်အရာကိုမှမကြောက်ရွံ့ဘူး။
ယဲ့ဝမ်: “စိတ်မပူပါနဲ့၊ ငါသေသွားရင်တောင် အဲ့ဒီဂျပန်တွေကိုဆွဲချဖို့ ငါ့ရဲ့နောက်ဆုံးထွက်သက်ကိုအသုံးချသွားမှာ"
YOU ARE READING
မင်းရဲ့အချစ်ပြိုင်ဘက်ကနေ့တိုင်းလှလှလာတယ်(Translation )
Humorကြီးမားတဲ့ပြောင်းလဲမှုတွေနဲ့ ပိုပြီးကြီးမားတဲ့လှည့်ကွက်တွေ ဇာတ်ကြောင်းတစ်ခုထဲက နောက်ထပ်ဇာတ်ကြောင်းတစ်ခု သူဟာပိုပြီးလှလာဖို့ ပိုပြီးဆွဲဆောင်မှုရှိလာဖို့ နည်းလမ်းကိုရှာတွေ့သွားပြီ ရှန်ကျင်းထျန်ဟာ သူဖတ်နေတဲ့စာအုပ်ထဲကိုကူးပြောင်းသွားဖို့ ကူညီပေးတဲ့syst...
