Author: 公子于歌 / Gong Zi Yu Ge
Chapter 81: သူ့ကိုဆွဲဆောင်ခြင်း
သူက သူ မဟုတ်တော့ဘူး။ အဲ့ဒါကိုရန်ချွီးချီကသတိပြုမိခဲ့တယ်။ ဒီအချိန်ပိုင်းလေးအတွင်းမှာ သူကသာမန်ထက်နောက်ကျမှနိုးထလာခဲ့တယ်။ ပြီးတော့ သူကအိပ်ယာထဲမှာနာရီများစွာကြာလှဲလျောင်းနေလိမ့်မယ်။ မနက်ခင်းသတင်းတွေကြည့်လည်းအသုံးမဝင်ဘူး။ သူ့ရဲ့ဇီဝကမ္မဖြစ်စဥ်က သူ့ရဲ့စိတ်ပိုင်းဆိုင်ရာနဲ့ပြန်ကောင်းမွန်လာခဲ့တယ်။ ၂၅နှစ်ကြာစုထားတဲ့အင်အားတွေက ပေါက်ကွဲထွက်တော့မလိုဖြစ်သွားခဲ့တယ်။
သူက ကလေးဘဝထဲကဆင်ခြင်တုံတရားရှိတဲ့လူတစ်ယောက်ဖြစ်ခဲ့တယ်။ ရှန်ကျင်းထျန်အနှိပ်ခံနေတာကိုဘေးကနေမျက်မြင်တွေ့နေရတာက သူ့စိတ်အခြေအနေအတွက်မကောင်းဘူးဆိုတာသိပေမဲ့ သူ့စိတ်ထဲကပရမ်းပတာဖြစ်မှုတွေကတော့ သူ့ကိုအနှိပ်ခံနေတဲ့တစ်ချိန်လုံးနေဖို့ဖိအားပေးနေခဲ့တယ်။
ဆရာလျိုက သူ့ပစ္စည်းတွေကိုသိမ်းပြီးထွက်သွားဖို့ပြင်နေတယ်။ ရှန်ကျင်းထျန်က ဖျာပေါ်ကထရပ်လိုက်ပြီးပြောလိုက်တယ်။
"ကျွန်တော်သွားဆေးလိုက်ဦးမယ်"
အဲ့ဒီတော့မှ ရန်ချွီးချီကသတိပြန်ဝင်လာတယ်။ သူကဆရာလျိုနောက်ကနေအခန်းထဲကလိုက်ထွက်ရင်း တံခါးမပိတ်ခင်ရှန်ကျင်းထျန်ကိုကြည့်လိုက်မိတယ်။ ရှန်ကျင်းထျန်ရဲ့ခန္ဓာကိုယ်က လေသာဆောင်ကလာတဲ့အလင်းရောင်တွေနဲ့လွှမ်းခြုံထားတာက အရမ်းလှနေတာယ်လို့သူမတွေးမိဘဲမနေနိုင်ခဲ့ဘူး။ ခန္ဓာကိုယ်က ရှည်လျားပြီးအချိုးအစားကောင်းမွန်တယ်။ အဝေးကနေတောင် သူ့ပုံရိပ်ကဖြူဖွေးနူးညံ့နေပုံပေါ်တယ်။
စိတ်ဆန္ဒတွေကမှေးမှိန်သွားပြီး ချစ်ခြင်းတရားကပြန်ဦးဆောင်လာတယ်။ သူကတံခါးကိုပိတ်လိုက်ပြီး သူ့ဘောင်းဘီအိတ်ကပ်ထဲလက်ထည့်ရင်းကော်ရစ်ဒါမှာ တိတိဆိတ်စွာရပ်နေခဲ့တယ်။
"သူထွက်သွားပြီလား?"
လီမေ့လန်ကမေးလိုက်တယ်။
ရှောင်ထန်ကတံခါးကိုပိတ်လိုက်ရင်းတီးတိုးပြောလာတယ်။
"သူသွားပြီ"
YOU ARE READING
မင်းရဲ့အချစ်ပြိုင်ဘက်ကနေ့တိုင်းလှလှလာတယ်(Translation )
Humorကြီးမားတဲ့ပြောင်းလဲမှုတွေနဲ့ ပိုပြီးကြီးမားတဲ့လှည့်ကွက်တွေ ဇာတ်ကြောင်းတစ်ခုထဲက နောက်ထပ်ဇာတ်ကြောင်းတစ်ခု သူဟာပိုပြီးလှလာဖို့ ပိုပြီးဆွဲဆောင်မှုရှိလာဖို့ နည်းလမ်းကိုရှာတွေ့သွားပြီ ရှန်ကျင်းထျန်ဟာ သူဖတ်နေတဲ့စာအုပ်ထဲကိုကူးပြောင်းသွားဖို့ ကူညီပေးတဲ့syst...
