Author: 公子于歌 / Gong Zi Yu Ge
Chapter 64: သူက သူ့ကိုကြိုက်နေတာ
ပိုင်ချင်းကွမ်က ရှန်ကျင်းထျန်ကိုလွှတ်ပေးလိုက်ပြီး ခပ်လှမ်းလှမ်းကထိတ်လန့်နေကြတဲ့ဝေ့ကောနဲ့အခြားလူတွေကိုလှမ်းကြည့်လိုက်တယ်။ သူတို့လက်ယမ်းပြလိုက်ပြီး သူတို့ဆီလျှောက်လာကြတယ်။
ဝေ့ကောနဲ့ပိုင်ချင်းကွမ်ရဲ့လက်ထောက်နှစ်ယောက်က ကြက်သီးထနေကြတယ်။ တစ်ယောက်ယောက်ကသာဒီလိုမြင်ကွင်းမျိုးမြင်ရင် သူတို့လန့်နေတာထက်မပိုရင်တောင်ညီတူညီမျှလန့်သွားကြလိမ့်မယ်။ အရင်က အရှေ့နန်းတော်မှတ်တမ်းရိုက်ကူးနေတာကြောင့် ကင်မရာတွေအမြဲဖွင့်ထားတာကြောင့် ပိုင်ချင်းကွမ်နဲ့ရှန်ကျင်းထျန်ရဲ့သဟဇာတဖြစ်မှုက သရုပ်ဆောင်နေတာလို့သတ်မှတ်လို့ရတယ်။ အထူးသဖြင့် ခံစားချက်အစစ်အမှန်တွေဖုံးကွယ်ထားရမှာတကယ်တော်တဲ့ပိုင်ချင်းကွမ်ဘဲ။ သူကရှန်ကျင်းထျန်ကိုမုန်းနေတာသိသာပေမဲ့ ကင်မရာရှေ့မှာဆို အမြဲသူငယ်ချင်းကောင်းတစ်ယောက်လိုဘဲပိုစ့်ပေးနိုင်တယ်။
အခု ဘာသတင်းထောက်၊ ကင်မရာနဲ့သူတို့ကိုရိုက်ကူးနေတဲ့ဘယ်သူမှမရှိဘူး။ ချောင်အကျဆုံးထောင့်တစ်ခုမှာ လူတိုင်းကမူးယစ်ထွေပြားနေချိန်မှာ ဒီလူနှစ်ယောက်က အချင်းချင်းဒီလိုရင်းနှီးနေတဲ့အမူအယာတွေနဲ့ဖက်နေကြတယ်။
ဒါကရှိုးလုပ်နေတာမဟုတ်ဘူး။ အဲ့ဒါကစစ်မှန်တဲ့ဆက်ဆံရေးတစ်ခုဖြစ်တယ်။
ရှန်ကျင်းထျန်က သူ့ပါးစပ်ထောင့်ကဝိုင်အစွန်းတွေကိုသုတ်လိုက်ပြီးတော့ တစ်စုံတစ်ယောက်သူ့ကိုခေါ်နေတာကိုကြားလိုက်ရတယ်။
"ရှောင်ကျင်း!"
သူနောက်လှည့်ကြည့်လိုက်တော့ နှစ်တစ်ဝက်ကျော်လောက်မတွေ့ခဲ့ရတဲ့ရန်ယောင်ရွှမ်းကိုမြင်လိုက်ရတယ်။ ရန်ယောင်ရွှမ်း ရှန်ကျင်းထျန်ကိုမြင်လိုက်ရတဲ့တစ်ခဏမှာ သူ့ကိုတောင်မမှတ်မိနိုင်ခဲ့ဘူး။ ပြောင်းလဲမှုကအရမ်းပြင်းထန်လွန်းခဲ့တယ်။ ရှန်ကျင်းထျန်က ပိုကြည့်ကောင်း၊ ပိုconfidenceရှိလာပြီး ပိုပြီးတောက်ပလာခဲ့တယ်။
YOU ARE READING
မင်းရဲ့အချစ်ပြိုင်ဘက်ကနေ့တိုင်းလှလှလာတယ်(Translation )
Humorကြီးမားတဲ့ပြောင်းလဲမှုတွေနဲ့ ပိုပြီးကြီးမားတဲ့လှည့်ကွက်တွေ ဇာတ်ကြောင်းတစ်ခုထဲက နောက်ထပ်ဇာတ်ကြောင်းတစ်ခု သူဟာပိုပြီးလှလာဖို့ ပိုပြီးဆွဲဆောင်မှုရှိလာဖို့ နည်းလမ်းကိုရှာတွေ့သွားပြီ ရှန်ကျင်းထျန်ဟာ သူဖတ်နေတဲ့စာအုပ်ထဲကိုကူးပြောင်းသွားဖို့ ကူညီပေးတဲ့syst...
