ជាប់គាំងមួយស្របក់ទើប ជុងហ្គុក ទាញស្មារតីត្រឡប់មកវិញមុននឹងសន្សឹមៗហូតដៃចេញពីដៃរបស់ ថេយ៉ុង យឺតៗ ។
" បងមិនស្រួលខ្លួនហ្ហេស៎ ? " ឃើញបែបនេះ ថេយ៉ុង ក៏សួរទាំងព្រួយបារម្ភអោយនាំ ជុងហ្គុក កាន់តែពិបាកគិតនឹងឆ្លើយតបទៅគេវិញ ។ ការប្រើកាយវិការព្រួយបារម្ភ យកចិត្តទុកដាក់ និងក្តីស្រឡាញ់ របស់គេធ្វើអោយនាយអល់ឯកចិត្តណាស់ បើពីមុនគឺងាយនិយាយដេញក្មេងរលៀមនេះណាស់ ប៉ុន្តែឥឡូវហើបមាត់លែងចង់រួចហើយហាក់ដូចជាមានភ្នំមកសង្កត់អ៊ីចឹង ។
" បើក្រោកហើយក៏ឆាប់ទៅងូតទឹកទៅ " រាងក្រាស់បង្វែរខ្លួនបម្រុងនឹងដើរចេញដើម្បីទុកពេលអោយគេបានងូតទឹករៀបចំខ្លួន ប៉ុន្តែភ្លាមនោះ ថេយ៉ុង ក៏រហ័សស្ទុះស្រវាចាប់ដៃរបស់នាយជាប់ទើបធ្វើអោយរាងក្រាស់បង្វែរមុខមករកគេវិញស្របពេលដែលរាងតូចក៏ធ្វើទឹកមុខគួរអោយអាណិតដាក់ ។
" ខ្ញុំឈឺខ្លួនណាស់ ក្រោកមិនរួចទេ " ជុងហ្គុក ក៏ដកដង្ហើមធំបន្តិច មូលហេតុដែល ថេយ៉ុង បែបនេះក៏មាននាយជាចំណែកដែរទើបភ្លាមនោះដៃមាំទាំក៏ស៊កទៅលើកបីមាឌតូចឡើងមុននឹងបោះជំហាននាំគេចូលទៅក្នុងបន្ទប់ទឹកដែលនាយបានរៀបចំទុកសម្រាប់រាងតូចរួចជាស្រេច ។
មកដល់ក្នុងបន្ទប់ទឹកហើយ ជុងហ្គុក ក៏ដាក់អោយ ថេយ៉ុង អង្គុយចុះក្នុងអាងទឹកក្តៅអ៊ុនៗថ្នមៗទើបឈោងយកស្បៃទន់ល្មើយដែលជាប់មានដោយពពុះសាប៊ូអមដោយក្លិនក្រអូបឈ្ងុយនោះមកដុះលើស្មានិងដងខ្លួនទន់រលើបរលោងរបស់ ថេយ៉ុង យ៉ាងថ្នមថៃជាទីបំផុត ។
" ស្រួលខ្លួនដល់ហើយ " ថេយ៉ុង ញញឹមយ៉ាងស្រស់ព្រមទាំងអង្គុយយ៉ាងស្ងៀមដូចជាក្មេងស្តាប់បង្គាប់ម្នាក់ដើម្បីអោយ ជុងហ្គុក បានងូតទឹកអោយគេយ៉ាងថ្នាក់ថ្នម ។ បន្ទាប់ពីងូតទឹកអោយ ថេយ៉ុង រួចហើយ ជុងហ្គុក ក៏បី ថេយ៉ុង ចេញមកវិញហើយក៏ដាក់គេលើពូកៗថ្នមៗដូចដើមទើបដើរទៅយកសម្លៀកបំពាក់ដែលនាយបានអោយកូនចៅទៅទៅទិញនោះមកអោយរាងតូចផ្លាស់ ។ រួចធុរៈទាំងងូតទឹកនិងស្លៀកពាក់អោយ ថេយ៉ុង រួច ជុងហ្គុក ក៏បន្តបីគេចុះទៅខាងក្រោមហើយក៏បញ្ឈប់ត្រឹមតុអាហារដែលមានខ្នាតវែងនិងមានម្ហូបដែលមានការតុបតែងនុងក្លិនឈ្ងុយពេញទាំងតុ ។ រាងក្រាស់ដាក់អោយមាឌតូចអង្គុយនៅលើភ្លៅទើបងាកទៅស្រដីបង្គាប់អោយអ្នកបម្រើដួសបាយ ការចាប់ផ្តើមញ៊ាំអាហារពេលព្រឹកដោយភាពស្ងៀមស្ងាត់តែបង្កប់ភាពផ្អែមល្ហែមព្រោះកាយវិការរបស់កំលោះអស់ហ្សុីនអាល់ហ្វាដែលធ្វើមកលើអូមេហ្កាតូចកំពូលរពិសនិងរលៀមនិងឯង ។ អ្នកបម្រើនាំគ្នាញញឹមញញែមអៀនឡើងក្រហមថ្ពាល់ក្រហមស្លឹកត្រចៀកពិសេសគឺ និរ៉ា នេះតែម្តង ឃើញអ្នកប្រុសមិនមាត់ៗទេតែឥឡូវប្លែក១៨០ដឺក្រេចេះមកបង្ហាញកាយវិការយកចិត្តទុកដាក់ចំណោះប្រុសពៅក្បាលខូចរបស់នាងទៀតនេះមានអ្វីមកសណ្តំចិត្តមែនទេ ? ( បានសុីហ្សុីនគឹហ្ហ៎ >< )
