الهوس الابدي(قصة بالدارجة)

البارت 35

❤️الهوس الابدي❤️

البارت 35🌞

#نمشيو_عند_كيان

دازت ساعة من مورة مفيقها الياس او هي تفيق تاني ناضت جلسات فبلاصتها واحد 2 دقايق كتستوعب فين هي حتى عرفات راسها من ساسها عاد ناضت غسلات وجهها او مشات هزات تيلي ديالها لقات 11 تاع الصباح

كيان : ناري نعست بزاف

شافت فكنزة لي باقي ناعسة خلاتها او هبطات للتحت تقاد الفطور  مشات للكوزينة جبدات الليمون عصراتو او جبدات البيض سلقاتو قداتو فطبيسيل جبدات بتيبان قادات داكشي كامل فالطبلة او طلعات تفيق كنزة

كيان : كنزة كنزة نوضي راه 11 هادي

كنزة : عفاك غير شوية نعس غير ساعة

كيان : اويلي على ساعة نوضي دابا

شافتها مجاوباتهاش عرفاتها غرقات تاني بقات كتفكر اشنو دير ليها باش تفيق حتى تفكرات

كيان : كنزة وا كنزة ناااري المسخووطة راه 11 هادي او بابا صونا عليا او قال ليا بلي عندكوم اجتماع او ضروري تحضري الا محضرتيش غادي يجريو عليك وانووووضي

ناضت كنزة طافجة كتقلب جنابها

كنزة : كيفاش كيفاش اجتماع اويلي مشا لحال وجدي ليا منلبس دغيا علاين منقاد حالتي

ناضت مسكينة دااايخة كتقلب جنابها او تجمع مستلزماتها باش تغسل وجهها او تحك سنانها او دوش او تماكي واخا باقي ممحكماش مزيان فراسها بسباب الشلل لي كان واقع ليها البارح ولكن الدوا لي شربات موقفها مبغاتش تخسر البوسط لي عندها فالشركة واخا باباها لباس عليه او عندو شركات حتى هو ولكن داكشي لي باغا كاين فشركة بابات كيان او عارفاه فالشركة مكيرحمعاش او كيعاملها بحالها بحال غاع الموضفين بلا فرزيات بقات تلفانة حتى كتسمع كيان خارية عليها بالضحك