الهوس الابدي(قصة بالدارجة)

170 و 171 و 172

❤️الهوس الابدي❤️

البارت 170💥

✨نجوى

مشات كيان جلسات حداه ساكتة معرفاش متقول

كيان : بابا اشنو درتي مع الياس

احمد : مزال منسيتش ليك داكشي لي درتي او كيفاش مشيتي معاه او خليتينا كنقلبو عليك بالنسبة لاش درت معاه مدرت والو او مغنديرش

كيان : كيفاش مغاديش دير ابابا

احمد : زواجكوم مغايكونش كيما سمعتي واخا سمعت الحقيقة ولكن مقابلش تكون بيناتنا شي علاقة صافي الله يعاونهوم

كيان(وقفات من قوة الصدمة او غوتات) : كيفاش ابابا واش عارف اش كتقول واش عارف اش كدير  حنا اش دنبنا نتفارقو هاا اش دنبنا الا بغينا بععضياتنا كيفاش نتفارقو من بعد هادشي كامل كتقولها باردة الزواج مغيكونش واش باغيين تحمقوني

مكملاتش هضرتها حسات بحنكها ضار بحر التصرفيقة لي عطاها باها

احمد : رخيت ليك بزاف حتى وليتي تهزي عليا صوتك او ايلا كان هادشي على قبل الزواج فهو لي مغيكونش

كيان (بصدمة او شادة حنكها): صرفقتيني دابا غمرني غنساها ليك ابابا

خرجات من البيت كتجري او الدموع فحينيها تضربات مع مها او كنزة لي جاو كيجريو فاش سمعو الغوات او دخلات لبيتها او سدات عليها فحين كنزة تبعاتها بقات كدق عليها ولكن والو محلاتش ليها كيتسمع غير غواتها او بكاها صافي بقات فيها صاحبتها او حتى الياس كتفكر حالتو الا عرف بلي زواجو بيها مكاينش

عند تورية لي دخلات نيشان عند احمد للبيت او وقفات عليه معصبة : كيفاش الزواج مكاينش شرح ليا

احمد : الزواج مكاينش واش مبغيتوش تفهمو انا مغاديش نعطي بنتي لهاداك

تورية : متنساش هاداك ولد صاحبك صاحبك لي كادب عليك صاحبك لي عيش حفصة فالعداب حفصة لي كنتي معتبرها بحال ختك الصغيرة دغيا تقلبتي عليها متنساش بلي هاداك طلع راجل على صاحبك هو جا عاود ليك الحقيقة كاملة او نتا باقي مبغيتيش تبرد

احمد : الحقيقة مغتبدل والو انا مقابلش بيهوم فعائلتنا فين كاين المشكل هو براسو قال ليا الا مكنتيش نتا راضي على الزواج فمغيكملش فيه ادن ها انا مراضيش يعني مغيكملش

تورية (بغل): دنوب هاد الولاد على رقبتك ا احمد تفكر هادشي مزيان واخا

خرجات من البيت او دازت عند كيان لقات كنزة باقي كتحاول نع كيان تحل ليها الباب

تورية : كنزة بنتي خليها بوحدها شوية

قرار احمد كي جاكوم

❤️الهوس الابدي❤️

البارت 171💥

✨نجوى