الهوس الابدي(قصة بالدارجة)

182 و 183 و184

❤️الهوس الابدي❤️

البارت 182💥

✨نجوى ✨

كنزة : نقوليك واحد الحاجة ولكن متقلقيش مني

كيان : انتعطل حتى نجي او قولي ليا لي بغيتي

كنزة : لا لا دابا احم الصراحة هو الياس كان كيسولني عليك ديما او داك النهار فاش خرجنا للجردة كان حينتاش طلبني نخرجك باش يشوفك او فعلا جا او شافك ولكن نتي مشفتيهش

كيان : اش كتقولي اكنزة

كنزة : والله حتى معاك بالصح هو وصاني منقول ليك والو على قبل صحتك داكشي علاش ولكن دابا ملي شفت الامور غادة مزيان قلتها ليك

كيان قربات حظاها او بدات تتقرسها من فخاضها: ها لي مباقيش يقول ليا يالكلبة كون قلتيها ليا كنت على الاقل انشوفو حتى انا كنت غنكون فرحانة او نتي مخلياني كل نهار تنبكي حيت توحشتو بلا تي نجي او نتفاهمو مزيان

خرجات من البيت مخلية كنزة كتحك فالبلاصة لي قرصاتها منهوم هبطات للتحت لقات مها او باها جالسين كيحاولو يصلحو امورهم وقفات حدا باباها

كيان (بفرحة): انا واجدة نمشيو

احمد : اوكي يالله

تمشات قدامو كتزرب فخطاويها اما هو غير كيشوف فيها او كيتعجب لهاد البنت لي عطاه الله او الحماق لي فيها ركبو فلوطو او مشاو لفين ايتلاقاو مع الياس اما كنزة من بعد ما برد عليها لحمها هزات تيلي تهضر مع عاصم او تقول ليه الجديد

كنزة : الو عاصم فينك

عاصم (منرفز غير مع راسو): هاني فالشركة الياس خرج بلا ميقول ليا والو خلا عرام تالوراق مهمين هاني واحل معاهوم دابا اشنو كاين

كنزة : بغيت غير نقوليك بلي كيانو او الياس او عمي احمد ايتلاقاو دابا

عاصم : اهاه مزيان الله يسر

كنزة : عاصم مالك

مالو تاني 🙂

❤️الهوس الابدي❤️

البارت 183💥

✨نجوى ✨

عاصم : كنزة انجيك نيشان عييت واش وليتي كتهضري معايا غير الا كان شي موضوع فيه الياس او كيان انا وياك مكاينينش فينما نهضر معاك كنبغي نجبد معاك موضوعنا كتصدريني  او انا عييت من هادشي بزاف عليا

كنزة (عرفات راسها غالطة او بلي كترات عليه): سمح ليا اعاصم مكنتش قاصدة انا غير كنبغي نقوليك اي حاجة وقعات او نسيت راسنا حنا

عاصم (كيمسد راسو): اوكي انا انمشي نكمل الخدمة من بعد او نهضرو

كنزة : واش مقلق مني دابا ولا شنو

عاصم : ممقلقش او نتي عارفة هادشي غير الخدمة كتارت عليا او صافي نكمل او نهضر معاك

كنزة : صافي واخا الله يعاونك

عاصم : امين امين

قطع عليها او رجع يكمل خدمتو اما هي فتلاحت فوق الناموسية كتفكر كيفاش دير تصالحو

نرجعو عند دوك المساخيط دياولنا كان جالس الياس فالكافي لي دار هو او احمد يتلاقاو فيها كان جالس على اعصابو بغا غير ايمتا يعرف اش كاين او اش واقع واحد الشوية بان ليه احمد داخل مع الباب او موراه كيان وقف بلا ميشعر تيشوف فيها او حتى هي نفس شي كتفحصوو كامل لحيتو لي كبرات تحت عينيه لي كحالو صحتو لي مبقاتش كي كانت ولكن هيبتو هي هيبتو بالنسبة ليها وقف قدامو احمد او تسالم معاه بدون ميحيد عينيه عليها اما هي فالاخير حشمات من شوفاتو او هبطات عينيها كتشوف فيه غير من لتحت من كترة شوقها ليه مد ليها يديه باش يتسالم معاها مدات يديها كترعد حطاتها فيديه بقاو تواني او هوما شاادين فبعضياتهوم حتى فيقهوم احمد لي جلس فالكرسي كيتسناهوم يجلسو حتى هوما

احمد : اتبقاو هاكا مغاتجلسوش ولا شنو

فارقو يديهوم او جلسو شي تيشوف فشي حتى حد مفاهم شي حاجة

الياس :سي احمد اشنو كاين

البنات ديما فارعين ليا راسي دابا فاش تاني تنحط والو واش شي وحدة دارت شي تعليق ولا اشهار او هادشي ديما لي كيخليوني منكملش ليكوم او نكمل فالنص

❤️الهوس الابدي❤️

البارت 184💥

✨نجوى ✨

احمد: المهم بلا قوة الهضرة او تطوال الهضرة من نهار جيتي عندي او انا كنفكر فالهضرة لي قلتي ليا او بالصح عندك الحق نتوما مدنبكومش فداكشي لي وقع فالماضي داكشي علاش جيت نصحح غلطي اليوم

الياس : بمعنى

احمد : انا قابل تجي تخطب كيان الا باقي باغيها السيمانة الجاية جي للدار خطبها

الياس (بفرحة): واش بالصح ولكن علاش حتى للسيمانة الجاية علاش منجيوش غدا

احمد : لي عندي قلتو السيمانة الجاية جي خطب

بغا يهضر الياس او حس بيدين كيان شظو ليه فيديه من تحت الطبلة هز فيها عينيه او دارت بعينيها غير قول اه او صافي زير ليها على يديها او طلقها او عاود شاف فاحمد

الياس :واخا نتوكلو على الله السيمانة الجاية ان شاء الله نجيو نخطبوها ولكن عندي شرط

احمد(باستفهام): اما هو

الياس (بابتسامة): نهار الخطبة غادي يكون هو نهار العقد

احمد (شاف فكيان لي كانت مخرطة عينيها فالياس): كيان اشنو بان ليك

كيان : احم لي بان ليكوم لي بغيتوه

احمد : اوا صافي ملي معندها حتى اعتراض جيب معاك العدول نهار الخطبة او دير الاجراءات لي خاصة

الياس : ان شاء الله

دازت واحد الساعة او هوما كيناقشو امورهم واحد شوية ناض سي احمد او استأدن على اساس عندو شي خدمة او طلب من الياس فاش يكملو يوصل كيان

بقاو بوحدهوم الرأس فالراس هو كيشوف فيها او ساكت او هي حادرة راسها حتى هضر الياس كاسر الصمت

الياس : متوحشتينيش