الهوس الابدي(قصة بالدارجة)

167 و 168 و 169

❤️الهوس الابدي❤️

البارت 167💥

✨نجوى

بعد منو احمد او هز تيلي ديالو او صونا على تورية يتأكد واش بنتو فالدار ولا لا جاوباتو

احمد : كيان كاينة فالدار

تورية : جات ا احمد جات شوف الا كنتي كتعزنا مدير والو للسيد راك فاهم كولشي غلط الله يخليك سمع ليه ولا اجي انا نعاود ليك كولشي ..

مخلاهاش تكمل هضرتها او قطع عليها او دار عند الياس ربع يديه او تكى على لوطو

احمد : يالاه دوي عاود نشزف هاد الحقيقة لي كولشي عارفها الا انا

الياس : انا انعاود ليك كولشي واخا هادشي مكيهمش فعلاقتي انا او كيان حيت حنا مالينا دنب فمشاكيلكوم ولكن خاصني نوضح كولشي باش نعيشو هانيين

بدا يعاود ليه كولشي من اللول او كيفاش كتاشف بلي هو ماشي ولد مروان بل اسماعيل حتى انه كان جايي معاه الدلائل على هضرتو او ايمتا حملات بيه حفصة او كولشي خلا احمد غير مبرق عينيه فداكشي لي كيشوف او كيعرف من بعد معاود ليه كولشي ختمها ليه

الياس : المهم هادشي لي كاين تيقتي هو هداك متيقتيش كيبقى قرارك انا عطيتك كولشي بالدلائل باش متقولش كدبت عليك حاجة خرا انا كيان مغنتزوجش بيها الا مكنتوش كاملين راضيين علينا بغيت زواجنا يكون سعيد او سليم من المشاحنات العائلية بغيت نعيش معاها فسلام او نبدا معاها حياتي من جديد ولكن الا مكنتيش راضي على هادشي فمعمرها تشوف وجهي المهم انا انمشي او غادي نخلي ليك الوقت تفكر فيه مزيان انا عارف هادشي لي عاودت ليك صعيب تستوعبو ولكن هادي هيا الحقيقة نمرتي عندك فاش تقرر صوني عليا او قوليا اش قررتي

ضرب ليه فكتفو او مشا ركب فلوطو ديالو او مشا مخلي احمد كيشوف فالبحر او تيفكر فهضرتو بعد ساعة من مورة ما مشا الياس عاد تحرك احمد من قدام الجرف راجع حتى هو لدارو او كيخمم وصل للدار او  دخل شاف كيان جالسة حدا تورية او حداهوم كنزة كيهضرو شافوه دخل هوما يسكتو ناضت كيان بشوية عليها حتى وقفات قدامو

كيان : بابا سمح ليا مكنتش باغا هادشي ولكن نتا مكنتيش غادي تسمع ليه كون مدرناش هاكا

هز يديه او حطها ليها فوق شعرها : سيري لبيتك رتاحي موقع والو دابا

تخطاها او داز للصالون حدا تورية ناضت كنزة حتى هي عتادرات منو على تصرفها او مشات هي او كيان للبيت

اوف عاود ليه صافي صافي القرا الحاسم دابا 🥺💃💃💃

❤️الهوس الابدي❤️

البارت 168💥

✨نجوى

احمد (بهدوء): من ايمتا او نتي عارفة الحقيقة