الهوس الابدي(قصة بالدارجة)

132

❤️الهوس الابدي❤️

البارت 132💥

✨نجوى✨

اما لتحت ضارت الام عند مروان بعينين دامعين

الام : ولدنا مستقبالو تيضيع علاقتهوم مستحيلة ميمكنش يقارن علاقتي بيك بعلاقتو بيها انا تزوجت بيك بزز مني صافي تعايشت مع الوضع حاولت او حاولت نخليك تسلم ولكن نتا ممقتانعش شوف دابا ولدنا ايدير شي حاجة لي مستحيلة حنا السباب فهادشي امروان

مروان : عارف هادشي حنا علاقتنا بوحدها حتى الطريقة باش بدات كانت غالطة بالنسبة للاسلام بالصح ممقتانعش بيه حيت راه صعيب تقتانع بدين او نتا من نهار تزاديتي او نتا فدين اخر او عائلتك كاملة هكاك هو ولدنا خاصنا نوقفو معاه ماشي تعاملي معاه هاكا عارف بلي حنا غالطين او بالاحرا انا لي غالط خاصنا نشرحو ليه او نعاونوه

الام : اشنو غنعاونو فيه هو مغاديش يتصنط لينا نتا عارفو راسو قصح من الحجر او الا يغا الحاجة كيوصل ليها شابه ليك فكلشي او نتا لي علمتيه كلشي واش نتا كنتي اتراجع ياك حتى نتا هضر معاك باك او عيا مينصح فيك او فاللخر درتي لي فراسك او تزوجتي بيا

مروان : صافي مديريش فبالك انا انهضر معاه او نفهم من عندو كولشي

ناض مروان من حداها مخليها غير تتفكر فهاد الحريرة لي دخلو ليها

طلع مروان عند الياس دق عليه او دخل بلا مينسنا الجواب دور عينيه فالبيت لقا مفيه حد حتى سمع الصوت فالحمام جلس فالفوطوي لي كاين فالبيت كيتسناه يخرج ماهي الا دقائق او خرج الياس لابس شورط تاع الدار او داير فوطة على عنقو كيمسح بيها شاف باه او ميك

مروان : شكون هادي لي دات ليك العقل واش ديك لي قلتي ليا عليها ديك المرة فاش جيتي للمغرب

الياس : اه هي

مروان (ربت ليه على كتفو): المهم انا انمشي معاك حتى الا كانت ماماك مبغاتش ولكن فكر فهادشي لي ادير والديها مغيبغيوش يزوجوها ليك الخطبة ممكن ولكن الزواج لا

الياس : ايخليوها ليا متخافش كيما نتا خديتي ماما حتى انا اناخدها ولكن ماشي بنفس الطريقة

مروان : كيفاش ماشي بحالي او كيفاش اتاخدها

الياس(بهدوء) : الوليد انا سلمت

بووووم الصدمة🙂😑

اويلي واش متو من الصدمة حتى وحدة مهضرات

المهم باش متبقاوش تسولو اتقولو ليا كيفاش هو مسلم خاصو يتختن البنات راه اليهود حتى هوما كيختنو ولادهم قلبت عليها او لقيتهوم كيختنوهوم اغلبية او حتى واحد الفقيه داك المهار فالتلفازة تطرق لموضوع انه شي واحد الا سلم او مكانش مختن او من بعد مسلم مبغاش يتختن واش عادي قاليهوم عادي او انا معرفتش المهم هادشي لي لقيت قاليهوم ماشي ضروري الختان المهم انه سلم او يلتازم بالاسلام او يشوف للقدام اما الختان صافي داز اوالله اعلم المهم راه الياس مختن🙂