الهوس الابدي(قصة بالدارجة)

121

❤️الهوس الابدي❤️

البارت 121💥

✨نجوى✨

كنزة : واعاصم حتى لدابا خاصني نمشي

عاصم (شدها من يديها او جلسها فوق الكورسي): المهم انهضر او سيري كي شفتي دابا الياس او كيان ايتخطبو قلت علاش حتى حنا منتخطبوش زعما نديرو خطبة مشتركة محد واليديك موافقين او والديا اصلا باغيينك نديرو خطبة او دوز سيمانة او نديرو العقد او فاش نبرى نديرو العرس اش بان ليك

كنزة : نتا او صاحبك اش جاكوم على الزواج اليوم (خنزر فيها)صافي صافي واخا لي بغيتي هو لي ايكون انا اصلا ماما فرعات ليا راسي واش اتبقاو هكا بلا زواج

عاصم (بابتسامة): اوا صافي مشات متافقين انديرو الخطبة فنفس النهار  يالله نوضي دابا سيري لا تعطلي

كنزة : ايه واخا اسيدي انا لي حمارة جالسة كنتصنط ليك

بدا تيضحك عليها اما هي خنزرات فيه او خرجات تتبركم

بعد مرور 15 لدقيقة هاهو الياس قدام دار عاصم هبط من لوطو او حل الباب بالساروت الاحتياطي لي عندو او دخل للدار نيشان للكوزينة هز قرعة الما من التلاجة غرغرها كاملة عاد داز للصالون لقى عاصم شاد تيليكوموند تيقلب فالتلفازة بملل جا جلس حداه حيد ليه التيليكوموند او طفا التلفازة

عاصم : اشنو واقع ليك تاني

الياس : قلت ليها انجي نخطبها من نهنا يومين

عاصم : اهاه او مالك

الياس : نتا عارف مالي هي باغا واخا الاختلاف لي بيناتنا ولكن والديها يقدرو ميبغيوش

عاصم : متفكر فوالو دابا هي الا مبغاوش والديها اتقولها ليك او نتا قنعهوم حتى لمور الخطبة او شوف اش غادي دير

الياس : صافي صافي نسى دابا هاد الموضوع حتى نشوف حريرتو

عاصم (بابتسامة): انديرو الخطبة فنفس النهار الا كتاب