الهوس الابدي(قصة بالدارجة)

135

❤️الهوس الابدي❤️

البارت 135💥

✨نجوى✨

الياس : قال ليا بلي انا ماشي ولدك او بلي ولد داك لي فالتصويرة جاتني فاللول قاصحة سولتو على بابا الحقيقي قال ليا بلي مات لا او مات منتاحر مقدرتش نستوعبها او مفهمتش اشنو واقع الانسان لي كنت عارف بلي هو با 17 لعام او انا معاه درت معاه كولشي هو كولشي  بالنسبة ليا يصدق ماشي هو با او با مات بقيت ساكت مدة حتى تخلع عليا كونطروليت راسي او قلت ليه يعاود ليا كولشي من اللول قال ليا بلي ماما كانت صحافية او بلي كانت دارت معاك واحد لانتيغفيو او تما عجباتك شخصيتها وليتي فينما كتبغي دير شي لقاء صحفي كتعيط عليها هي شخصيا ولكن نهار صارحتيها بلي كتبغيها او باغي تزوج بيها مبغاتش حيت هي كتجي دير خدمتها او تمشي معمرها شافت فيك بشي شوفة من غير انها كتجي دير خدمتها معاك او صافي قال ليا بلي بقا فيك الحال او وليتي غير مراقبها فينما مشات او مرة مرة كتهضر معاها او كدير راسك تلاقيتيها غير صدفة واحد النهار عرضتي عليها الزواج او رفضاتك حيت دياناتكم مختالفة او مع دلك مستسلمتيش ولكن مبقيتيش تابعها او خليتيها على راحتها  حتى للنهار لي عرفتيها تزوجات او غير من صحابها حيت مبقاتش كتجي للخدمة او سولتي عليها او قالو ليك بلي نتاقلات من كندا او مشات للمغرب تبعتيها بلا عقل او نتا معول ترجعها مشا معاك حتى عمي حيت خافك لادير شي حاجة او تبعك قال ليا بلي تلقيتي ليها او كانت فرحانة فاش وقفتي عليها تخلعات حيت صافي سحابليها نسيتيها المهم قال ليا بلي كانت حاملة فاسبوعها اللول ديكساع قال ليا بلي خطفتيها او مكنيش عارفها حاملة هي بالخلعة وقع ليها نزيف جبتي ليها طبيبة حتى للدار تما عرفتيها حاملة ولكن واخا هكاك مفقدتيش الامل قلتي للطبيبة تعطيها حقنة من المخدر باش متفيقش واخل هو كان خطير على حياتنا بجوج ولكن غامرتي او ديتيها  معاك لكندا من بعد فاقت او دارت ليك الحيحة ولكن فاللول هددتيها بيا قال ليا بلي بابا الحقيقي قلب عليها غير شي شهورة او نتاحر صافي هي من ديكساع بقات معاك او تقبلات الواقع ولكن عمر طرات بيناتكون شي حاجة او هادا كان شرطها الوحيد باش تبقى معاك من بعد هادشي جاني الفضول نبحت فالاسلام بحت او عجبني داكشي علاش قررت نسلم بالصح مقلتهاش ليكوم ولكن فينما كنبغي نجبد الموضوع كتزقع شي حاحة صافي ملي مشيت لفرنسا مبقيناش كنهضرو بزاف او حتى الا هضرنا مكنتناقشوش فشي حاجة لي تخليني نقولها ليكوم

مروان : اوا صافي راك عارف كولشي معندي منزيد كولشي بصح باقي لدابا نادم ماشي حيت خطفتها لا نادم حيت بسبابي نتاحر باباك كنت حاس بالدنب حيت مقلتهاش ليك او حيت عمرك اتشوفو

التوقعات كيجاكوم هادشي