الهوس الابدي(قصة بالدارجة)

البارت 48

❤️الهوس الابدي❤️

البارت 48🌞

صباح جديد فاقو فيه ابطالنا كاملين نبداو بالياس لي فاق مع ل 5 غسل وجهو او داز عند عاصم فيقو حتى هو بدلو حوايجهوم لحواج سبور او خرجو يجريو رجعو من بعد ساعة لي هي 6 لقاو الخدامة فايقو قالو ليها تقاد الفطور او طلعو يدوشو الياس لبس كوستيم فالكحل مع قميجة كحلة مخلي الصديفات اللولين مفتووحين مبينين الصدر🫣🤤مع صبيبط كلاس قاد شعرو او رش ريحتو اما عاصم فلبس حتى هو الكحل مع قميجة بيضة صبيبيط كلاس رش ريحتو او خرج تلاقاو فالدروج او هبطو كيراجعو الملفات بيناتهوم وصلو للطبلة لقاوها موجودة جلسو كلاو او ناضو للشركة بجوج كولا واحد ركب فطونوليلتو دخل الياس للمكتب او تبعو عاصم او بداو كيتناقشو

اجي نشوفو النعكازات دياولنا كيان او كنزة لي فاقو مع 7 ناضو دوشو لبسو حوايجهوم كيان لبسات كسيوة فالبيض اما كنزة فلبسات كسوة فالزرق مفتوح من بعد هبطو للكوزينة طيبو الفطور فطرو  جا عندهوم سي احمد جلس معاهوم شوية او هضر مع بنتو حيت مشافهاش هاد الايام من بعد خرجو من الفيلا او ركبو فلوطو معاه وصل كيان هي اللولة للشركة عاد مشاو هوما للشركة

دخلات كيان للشركة او مشا للمكتب ديالها شافها الاياس هو يحدر راسو مكمل هضرتو مع عاصم

بقات 10 دقايق للاجتماع صونا بابات كيان او علمو بلي جاو للشركة سيفط ليهوم عاصم باش يوريهوم قاعة الاجتماعات اما الياس فهز الملف لي خاصو او اي حاجة ايحتاجها او خرج نيشان وصل للقاعة حط الوراق او كولشي شاف الساعة لقا باقي الحال ضربات ليه الطن فراسو علاش ميمشيش عند كيان يجيبها من المكتب

#عند_كيان

دخلات للبيرو ديالها او جلسات هزات راسها شافتو خدام ولكن الصدمة لي جاتها هي فاش شافت عاصم معاه بدات تتفكر بما ان عاصم كاين هنا فكنزة اتشوفو تاني او يقدر يوقع ليها بحال داك النهار