الهوس الابدي(قصة بالدارجة)

البارت 67

❤️الهوس الابدي❤️

البارت 67💥

✨نجوى✨

نعسات او خمرات من 5 او هي ناعسة حتى ل 7 ناضت مبوقة دخلات للدوش غسلات وجهها او خرجات تتجرب فديك الكسوة لي خدات او تتأكد واش هي هاديك ولا لا

كيان (تتشوف فراسها فلمراية): اممم جاتني غزالة مواااح عليا تبارك الله الله يحجبني من العين

جا صوت من موراها او هضر

......: نتي اصلا ديما او كولك زوينة

#عند_الياس

كان جالس فالشركة تيقاد شي وراق شاف الساعة لقاها 7 تالعشية حط الوراق او كوولشي خرج من الشركة او ركب فلوطو هز تيلي صونا على سي احمد(بابات كيان)

الياس : بونسواغ سي احمد

احمد : السلام سي الياس ياكما خاصاك شي حاجة

الياس : انا انجي عندك للدار الصارحة بغيت نعطي لكيان واحد الملف او نهضر معاك على الترتيبااات تاع الحفل كاملة

احمد : الصرحة لقيتيني يالله خرجت انا او المدام ولكن راه خليت كيان فالدار الا بغيتي تقدر تمشي تناقش معاها كولشي او حتى نيت تعطيها الملف

الياس (تبسم ابتسامة واسعة): واخا صافي سمحلي على الازعاج

احمد : لا لا ماشي مشكل

قطع عليه او هو ناااشط واخيرا ايشوفها اصلا هو داير السبة بهادشي كامل غير باش يمشي عندها ديمارا لوطو او تحرك 20 دقيقة لقاتو قدام الفيلا هبط من لوطو او عطى للحارس السوارت الحارس لي ديجا صونا عليه احمد او خبرو بلي ايجي عندهوم الياس او غير يخليه يدخل

حل باب الفيلا تيسمع السكاات مشى للصالون ملقى حد الدار كاملة قلبها من غير البيووت او ملقاهاش عرفها اتكون فبيتها طلع بخطوات محسوبين او غادي فالكولوار بحالة دارو مشى نيشان للبيت ديالها لقاه مشقوووق (محلول شوية)