الهوس الابدي(قصة بالدارجة)

البارت 74

❤️الهوس الابدي❤️

البارت 74💥

✨نجوى✨

دخلو بجووج للكلينيك مشاو للاستقبال او سولو على عاصم عطاوهوم الطابق فين كاين او قالو ليهوم بلي راه فغرفة العمليات طلعو للطابق لي قالو ليهووم طلقات كيام من يد كنزة او مشات عند الياس لي كان جالس فالارض قريب لغرفة العمليات ساد عينيه او مرجع راسو اللور كيبان هادئ ولكن لداخل ديالو بركان قربات ليه او حطات يديها على كتفو حل عينيه نايمين فيها مفكرش جوج مرات جرها عندو مجلسها فحجرو او معنقها خاشي راسو فعنقها كيحاول يهدن راسو اما لالة كياان فيناهي الله يرحمهاا مصدوومة على اااخرها معرفاتش راسها كيدارت حتى وصلات للهنا بقات جالسة بلا حركة اما كنزة غاع مداتها فيهووم همها الوحيد هو عاااصم لي كاين الدااخل او اش واقع ليه جلسات فكرسي من الكراسة لي تما تتلوم فراسها بلي هي السبااب حيت كون سمعات ليه مغيوقعش هادشي كامل
بقاو هكاك حتى تحل البلووك او خرج الطبيب كيحيد كمامة من وجهو ناض الياس منوض معااه كياان شد ليها فيديها او مشاو جيهت الطبيب معاهووم كنزة لي قربات طيح بالخلعة شافهوم الطبيب جايين عندو هو يوقف قبل مينطق اي واحد فيهووم هضر

الطبيب : المريض دابا فحالة جيدة متخااافوش كانو عندو كسور على مستوى اليد اليمنى او الرجل او جاه نزيف فالدماغ ولكن تمكنا منو او عالجنا الوضع بلا متخاافو

سكتو كاملين فاش شافوه مخرجينو من البلوك كانت راسو ملوية عليها فاصمة او حتى يديه او رجليه مع شي جريحات خفاااف فوجهو او يديه مشات عندو كنزة كتشووف فيه او كتزيد تلوم فراااسها دوزوه من حداهوم او داوه للانعاش حتى يشوفو لايجيه نزيف تاني ولا شي حاجة

بقاو كيشوفو فيه من الزاج او هوكا كيعلقو ليه السلوكة(يسمعوني الاطباء ينفيوني)بقاو مقابلينو خرج من عندو الطبيب او مشى لمكتبو شيويا دخل عليه الياس او جلس

الطبيب : موسيو الياس ياك لاباس

الياس : جيت غير نسولك على الحالة الصحية نتاع عاصم

اوا فييينكوم انا عاد تنكتب حيت اصلا عاد فقت من النعاااس قبلو على خريبيشااتي