الهوس الابدي(قصة بالدارجة)

113

❤️الهوس الابدي❤️

البارت 113💥

✨نجوى✨

كيان : كنقسم ليك مكنتش قاصدة كنت باقي ممستوعباش داكشي لي وقع او لي كان ايوقع ليا او المشكل هو من الشخص لي كنت ناويا معاه شحال من حاجة راه صعيب نستوعبها عارفة راسي تعطلت ولكن عافاك سمح ليا ولا على الاقل عطيني فرصة (توترات)انا انا...

الياس(بفقصة قاطعها): اه سمحي ليا حيت وريتك نية الشخص لي كنتي ناوية تزوجي بيه او وريتك حقيقتو

كيان (شداتها الضحكة من تعابير وجهو لي باين فيها انه غار ): غرتي

الياس : لا علاش انغير

كيان (شدات ليه وجهو بين يديها او ضحكات شافت ليه فعينيه او شجعات راسها): الياس انا بالصح باغاك تسامح ليا او بالصح مقصدتش ندير هكاك انا كنبغيك ندير اي حاجة غير باش نبين ليك اني كنبغيك

سكتات كتسناه يقول شي حاجة ولكن بقا ساكت غير كيشوف فيها فاش مدار حتى ردة فعل ستاغلات الفرصة او كملات هضرتها

كيان : انا عارفاك حتى نتا كتبغيني داك النهار بالصح سمعتك فاش قلتيها او غير درت راسي ناعسة حيت حسيت بالاحراج او ...

الياس(قاطعها بصدمة بحالة عاد ستوعب هضرتها) :عاودي اش قلتي فاللول نتي كتبغيني انا(كيشير على راسو) متأكدة

كيان هبطات راسها او اومات ليه فالايجاب شد ليها هو وجها او طلعو

الياس : لا لا عاودي قوليها باش نتيقك انا اصلا مسمعتكش اش قلتي

كيان(بابتسامة او عينيها فعينيه) :اممم كنبغيك بالصح انا كيان كنبغي الياس

ضرب يد مع يد او بدا كيضحك تيشوف فيها او يضحك حتى دمعو ليه عينيه بالضحك اما هي غير كتشوف فيه فرحانة لفرحتو

ارا دوك التوقعات نزيدكوم ملقيت والو مغنزيدش