الهوس الابدي(قصة بالدارجة)

118

❤️الهوس الابدي❤️

البارت 118💥

✨نجوى✨

كيان : واش بالصح انا انتزوج بيك دابا ههه(كملات بقلق) ولكن

الياس : اشنو لي ولكن واش مباغانيش نجي نخطبك مباغاش تزوجي بيا واش مكتبغينيش

كيان : لا لا ماشي هكاك (جمعات يديها عندها بتوتر )غير نتا عارف انا مسلمة او نتا لا او حنا البنات المسلمات معندناش الحق نزوجو بغير ديننا عكس الرجال

الياس : هادشي يتحل من بعد نجي نخطبك بعدا او نشوفو هاد الحريرة

كيان : ولكن بابا يقدر ميبغيش

الياس : ياك نتي باغا او معندكش مشكل ياك (اومات ليه بالايجاب)صافي داكشي لاخر خليه عليا صافي كملي مكلتك

كيان : صافي واخا

هبطات على مكلتها كتاكل بشرود نسات قضية الدين حتى لدابا فاش جبد ليها الزواج عاد تفكرات هزات فيه عينيها لقاتو مكياكلش غير كيشرب قهوة او ساهي عرفاتو حتى هو كيفكر اما هي تفكيرها فقط فواش زعما يقدر يسلم على قبلها ولا اش كملات مكلتها او ناضت بلا كلمة بلا جوج عيطات على السكريتيرة او قالت ليها تجمع الماكلة او خرجات من البيرو مخلياه تيشوف فيها او كيتنهد حتى الماكلة مبقاتش عندو الغانة ليها

ناض من المكتب ديالو او خرج من الشركة غاع هز لوطو ديالو او مشا للبحر بقى جالس شحال تما هز تيليفونو او صونا على عاصم

عاصم لي كان جالس تياكل هو او كنزة او كيهضرو على مستقبالهوم كيغادي يكون او اشنو المخطط ليه قاطع هضرتهو الياس جاوبو

توقعااات