الهوس الابدي(قصة بالدارجة)

البارت 72

❤️الهوس الابدي❤️

البارت 72💥

✨نجوى✨

كنزة : نتي من ديما واقفة معاه علاش هاا شرحي ليا علاش حتى فاش خلاني كنتي كديري ليه اعدار او دابا من نهااار رجع او نتي كتبرري ليه

كيان : اه بالصح كنجي عليه عرفتي علاش حيت انا عاصم كنعرفووو مزيان مغايخليكش الا مكانش عندو سبب مقنع او حتى نتي عاارفة هادشي مزياان علاش مبغاش تسمعي ليه هو دار كولشي على قبلك

قاطعها الياس لي جا من مووراها او شدها من يديها

الياس : كيان صافي باركة عليها يالله نمشيو دابا

كيان : واخا صافي اصلا مبقات عندي حتى هضرة نقولها ليها هي لي خاسرة (شافت فكنزة)ايجي واحد النهاار اتندمي حيت مسمعتيش ليه

يالله جات ضايرة باش تمشي هي او الياس حتى صونا تيلي تاعوو جبدو لقا نمرت عاااصم جاوب ديكساع

الياس : فينك اصاحبي جيت نتبعك لقيتك طرتي

#عند_عاصم

من مور الهضرة لي قالت ليه كنزة مقدرش يزيد معاها دقيقة هي مسمعااتش ليه هي محاملاحش هادشي جرحو بزااف هو دار كولشي على قبلها ركب فلوطو ديالو او عينيه معميين بالدمووع مباغيش ينزلهووم ولكن نزلو بزز منوو ديمارا او كسيرة مرة وحدة مبقاش وقف غادي او مكيشوفش قدامو كيسمع غير الكلاكسون من مووراه او قدامو شوية ضرب ليه ضو قوي فعينيه شي لي خلاه يسد عينيه او يقلب الفولون حتى تسمع بوووم او كان عاصم تخشا فشجرة باش يتفادة لوطو لي كانت قدامو

الدخاان او الناس هابطين من طونوبيلاتهووم يشوفو اشنو وقع كاين لي كيصوني على الاسعاف او كاين لي غير كيتفرج دازت 10 دقايق او وصلات الاسعااف هبطووه بحدر كبيير لحسن الحظ ان لوطو ديالو كانت من النووع لي فيه ديك اللعيبة تاع الحماية يعني طاكات عليه شوية ولكن لي خرج عليه انه مكانش داير السمطة خرجوه من لوطو او دارو ليه ديك اللعيبة تاع العنق من بعد متفحصو النبض ديالو حطوه فالباياص او داوه للاسعااف

عاصم مسكين تيعااني🥺